Numbers 23
1Валаам Валакка: «Меңээ борта өргүл салыр чеди бедигээштен тудуп бер база чеди бугажык биле чеди кошкардан эккеп сал a» – дээн. 2Валак Валаамның сөзүн ёзугаар кылган. Олар иелээ бир өргүл бедигээжинге-ле бир бугажык биле бир кошкарны салып кааннар. 3Валаам ынчан Валакка: «Өргүлдериң чанынга артып кал, а мен өскээр баргаш кээйн, Дээрги-Чаяакчы меңээ уткуштур чедип келгеш, сеңээ медээлээр ужурлуг чүүлүмнү көргүзүп бээр чадавас» – дээш, өске бедик тас черже чорупкан. 4Бурган Валаамга ужуражып кээрге, Валаам Аңаа: «Өргүл салыр чеди бедигээш белеткедим, бир бедигээште-ле бир бугажык биле бир кошкарны салып кагдым» – дээн. 5Дээрги-Чаяакчы ынчан Валаамга чүнү чугаалаар ужурлуун айтып бергеш: «Валакче дедир баргаш, ынча деп чугаалаар сен» – дээн. 6Валаам Валакче ээп кээрге, оозу ам-даа Моавтың бүгү нояннары-биле кады өргүлдер чанында турар болган. 7Валаам чеченчидир медеглеп эгелээн:«Валак мени арамей чурттан,Моавтың хааны мени чөөн чүкте даглардан бээр эккеп:
„Чедип кээп көр, меңээ дузалап, Иаковка каргыштан салып көр,
чедип кээп көр, Израильди каргап көр“– диди.
8Ынчалза-даа канчап каргыш салыр мен?
Бурган ол чонну каргавас-тыр.
Мен канчап каргаар мен?
Дээрги-Чаяакчы аңаа каргыш салбас-тыр b.
9Ол чонче хаяларлыг даг бажындан көрүп тур мен,
ону тейлер кырындан хайгаарап тур мен;
ол чон аңгы чурттап турар c,
өске чоннарны боду-биле дең кылдыр көрбес-тир d.
10Иаковтуң элезин дег хөй чонун кым санап шыдаарыл e,
Израильдиң дөрттүң бир кезиин безин кым санап үндүрерил?
Мээң чуртталгам мөзүзү эки улустуң чуртталгазы дег төнзүн,
мээң сөөлгү шагым ▼
▼ Азы: «Мээң үре-салгалым».
оларныы ышкаш болзун!»11Валак тургаш: «Мени канчап турарың ол? Дайзыннарымны каргазын дээш сени эккеп алдым чоп, а сен оларны йөрээп кагдың!» – дээн. 12А Валаам: «Дээрги-Чаяакчы меңээ чүү деп чугаалаарын айтыр болдур, ону ол олчаан чугаалаар ужурлуг мен» – деп харыылаан.
Валаамның ийиги йөрээшкини
13Валак аңаа: «Мээң-биле кады өске черже бараалы. Оортан ол чоннуң өске кезик-чамдыызын көрүп каар сен, а шуптузун көрбес сен. Меңээ дузалап, оларны ол черден каргап көр!» – деп чугаалаан. 14Валак Валаамны Фасги сынның кырында Цофим оргулаажынче ▼▼ Азы: «Доскуулчулар шөлчүгежи».
эккелгеш, аңаа өргүл салыр чеди бедигээш туткаш, бир бедигээшке-ле бир бугажык биле бир кошкарны салып каан. 15Валаам ынчан Валакка: «Маңаа, өргүлүң чанынга артып кал, а мен Бурган-биле ужурашкаш кээйн» – деп чугаалаан. 16Дээрги-Чаяакчы Валаам-биле ужуражып, ооң чүү деп чугаалаар ужурлуун айтып бергеш: «Валакка дедир баргаш, ынча деп чугаалаар сен» – дээн. 17Валаам Валакче ээп кээрге, оозу ам-даа Моавтың нояннары-биле кады өргүлдер чанында турар болган. Валак демгизинден: «Дээрги-Чаяакчы чүү диди?» – деп айтырган. 18Валаам чеченчидир медеглээн:«Кичээнгейлиг дыңна, Валак,кулааң менче ээктир, Сепфорнуң оглу!
19Бурган дээрге кижи эвес-ле болгай h,
Ол чүү дээш мегелээрил? i
Бурган дээрге кижи амытан эвес-ле болгай,
Ол чүү дээш өскээр бодай бээрил? j
Ол эткен сөзүн ээлевейн барбас,
аазаан соонда, күүсетпейн барбас.
20Бо чонну йөрээп каар даалга алган мен.
Бурган Боду бо чонну йөрээп каан-дыр,
а мен ону өскертип шыдавас мен.
21Иаков-биле айыыл-халап болбас-тыр,
Израильде багай чүве чок бооп турар-дыр.
Ооң Бурганы Дээрги-Чаяакчы Бодунуң чону-биле-дир,
чон Ооң дугайында „Хаанывыс!“деп чарлап чугаалап турар-дыр.
22Бурган оларны Египеттен үндүрүп эккелген,
олар черлик буга дег күчү-күштүг улус-тур k.
23Иаковка удур илби-шиди кылган ажыы чок,
Израильге удур караң көрүнген ажыы чок.
Үези кээрге, улус Иаковтуң дугайында:
„Бурганның Израильге кылган чүвези бо-дур!“– деп чугаалажыр l.
24Ол чон – арзылаң ышкаш туруп кээр,
араатан аң ышкаш көдүрлүп кээр m,
олчазын дойлап чивээнде база
өлүрткеннерниң ханы-биле суксунун хандырбаанда,
дыштанып чыдарын билбес чон-дур».
25Валак ынчан Валаамга: «Ол чонга каргыш салып, каргавас болзуңза, оода йөрээл салып, оларны йөрээве!» – дээн. 26Валаам тургаш: «Мен чүгле Дээрги-Чаяакчының меңээ чугаалаан бүгү чүвезин кылырымны сеңээ чугаалаважык мен бе?» – деп харыылаан.
Валаамның үшкү йөрээшкини
27Валак ынчан Валаамга: «Өске черже кады барып көрээли, канчап билир, демги чонга ол черден каргыш салырың Бурганга эки бооп көстүр чадавас» – дээн. 28Валак Валаамны Фегор дагның ээн кургаг ховуже көрүнген бажынче үндүре берген. 29Валаам: «Меңээ борта өргүл салыр чеди бедигээштен тудуп бер база чеди бугажык биле чеди кошкардан эккеп сал» – деп Валакка чугаалаан. 30Валак Валаамның чугаалаанын ёзугаар күүседип, бир өргүл бедигээжинге-ле бир бугажык биле бир кошкарны салып каан.
Copyright information for
TyvTUV