Numbers 24
1Валаам Дээрги-Чаяакчының сеткилинге Израильди йөрээри тааржырын көрүп кааш, ооң мурнунда дег, өскээр төлгелеп барбайн, арнын ээн кургаг ховуже угландырып келген. 2Валаам ынаар көрүпкеш, аймактар аайы-биле турлагжып алган Израильди көрүп каан. Ынчан Бурганның Сүлдези Валаамны бүргептерге a, 3ол мынча деп чеченчидир медеглээн:«Беорнуң оглу Валаам чугаалап тур,өттүр көөр кижи чугаалап тур;
4Бурганның сөстерин дыңнап турар,
Күчүлүг Бурганның чорутканы көстүүшкүннү
көрүп турар кижи чугаалап тур;
ол кижи доңгая кээп дүшкеш, өттүр көрүп турар.
5Иаков, чадырларың чараш-каазын,
Израиль, оран-саваңның чараш-каазын!
6Олар шынаалар ышкаш чаттыла берген-дир,
хем кыдыында сесерликтер дег-дир,
Дээрги-Чаяакчының тарып кааны алоэ үнүштери дег-дир,
суг кыдыында үнген пөштер дег-дир.
7Израильдиң суу кочалдарның эриин ажа бээр,
үрезини арбын суглар эриинге өзүп үнер;
ооң хааны Агагтан ▼
▼ Агаг – Израиль чон-биле үргүлчү адааннажып турган амалик чоннуң хааны Агаг бооп чадавас (1 Хаан. 15:8 көр).
өндүр бедик болур,ооң күрүнези көдүрлүр.
8Бурган ол чонну Египеттен үндүрүп эккелген.
Ол чон черлик буга дег күчү-күштүг c,
ол бодунуң дайзыннары болур чоннарны сыырыптар,
оларның сөөктерин чуура шаап кааптар,
согуннары-биле өттүр адып кааптар.
9Израиль дүрлүп чыдып алган арзылаң азы араатан аң дег –
ону кым дүвүредип диттир боор! d
Израиль, сени йөрээген кижи йөрээттирер,
сеңээ каргыш салган кижи каргаттырар e».
10Валактың килеңи Валаамче хайныгып, холдарын час кылдыр часкапкаш, Валаамга: «Дайзыннарымче каргыш салзын дээш сени кыйгыртып алдым чоп, а сен оларны ам мырыңай үш катап йөрээп кагдың! f 11Аал-ораныңче дүрген чана бер. Мен сеңээ хүндүткел көргүзер бодадым, ынчалза-даа Дээрги-Чаяакчы алдар-хүндүнү сенден чайладып тур» – дээн.
Валаамның сөөлгү өттүр билген медеглели
12Валаам ынчан Валакка мынча дээн: «Менче айбылап чорудуп турган улузуңга: 13„Валак хаан меңээ алдын, мөңгүн долу ордузун-даа бээр болза, Дээрги-Чаяакчының айтыышкынын үреп, бодумнуң турам-биле эки-даа, багай-даа чүве кылып шыдавас мен, Дээрги-Чаяакчы чүү дээр болдур, ону чугаалаар мен“– деп чугаалаважык мен бе? 14А ам бодумнуң чонумче чанарым ол-дур. Адыр, израиль чон сээң чонуңну келир үеде канчаптарын сагындырып чугаалап берейн». 15Валаам оон чеченчидир медеглээн:«Беорнуң оглу Валаам чугаалап тур,өттүр көөр кижи чугаалап тур;
16Бурганның сөстерин дыңнап турар,
Дээди Өрүкүнүң бодалдарын билип турар,
Күчүлүг Бурганның чорутканы көстүүшкүннү көрүп турар кижи чугаалап тур;
ол кижи доңгая кээп дүшкеш, өттүр көрүп турар.
17Мону көрүп тур мен, ынчалза-даа амгы үеде болбайн турар-дыр,
мону көрүп тур мен, ынчалза-даа ырак үеде боттаныр-дыр.
Иаковтуң үре-салгалындан шолбан сылдыс чырып үнүп кээр g,
Израильден чагырыкчы көдүрлүп кээр h;
ол чагырыкчы Моавтың кастыын чылча базар i,
Сифтиң шупту үре-салгалын чылча шавар ▼
▼ Еврей сөзүглелде бо домактың утказы эки билдинмес. «Сифтиң үре-салгалы» деп сөстерниң болгу дег утказы мындыг: «Шупту көшкүн чоннар».
.18Эдом эжеледип аар k,
Сеир бодунуң дайзыннарынга эжеледип аар,
а Израиль күчү-күжүн көргүзер.
19Иаковтуң салгакчызы чагырыкчы апаар,
хоорайларга чаштыр дээш дезе берген улусту ол узуткап каар».
20Валаам амалик чонну көрүп кааш: «Чоннар аразында бир дугаар чон – амалик-тир,
ынчалза-даа ооң төнчүзү – бүрүнү-биле узуткаттырары-дыр» – деп чеченчидир медеглээн l.
21Оон ол кен чонну m көрүп кааш:«Сээң чурттап турар чериң айыыл чок-тур,
сээң уяңны хаяда туткан-дыр n,
22ынчалза-даа кен чонну хоозурадып кааптар,
Ассирия сени тудуп алгаш баар үе чедип кээр» – деп чеченчидир медеглээн.
23Валаам оон ыңай:«Аа халак, Бурган ол бүгүнү кылырга,
кым амылыг артар боор!
24Китт чон ▼
▼ Китт чон – израильчилер ол үеде Чер ортузу далайның ортулуктары биле чартык ортулуктарының чурттакчыларын ынчаар адап турган (Э. д. 10:4 көр).
бодунуң черинден корабльдар-биле эжиндирип келгеш p,Ассирияны-даа, Еверниң үре-салгалын-даа q чагырып аар,
ынчалза-даа олар боттары база бүрүнү-биле узуткаттырар!» – деп чеченчидир медеглээн.
25Валаам аал-оранынче чанып чорупкан; а Валак база бодунуң оруу-биле чоруй барган.
Copyright information for
TyvTUV