Numbers 3
Левиттерниң чизе-бүрүткели болгаш албан-хүлээлгелери
1Аарон биле Моисейниң төрел бөлүүнден укталган улус бо-дур. Дээрги-Чаяакчы Моисей-биле Синай дагга чугаалажып турган үеде, 2– 3Аарон дараазында оолдарлыг болган: дун оглу Надав, Авиуд, Элеазар болгаш Ифамар a. Оларны Бурганга бараан боор кылдыр ыдыктап, шилип чаап каан турган. 4Ынчалза-даа Надав биле Авиуд ийи Синай ховузунга Дээрги-Чаяакчының таарымчалыг деп көрбээни отту Аңаа эккеп салгаш, Ооң мурнунга өлүп калган b, а оларның соон салгаар оолдары турбаан. Чүгле Элеазар биле Ифамар ачазы Аарон-биле кады Дээрги-Чаяакчының бараалгакчылары бооп арткан c. 5Дээрги-Чаяакчы Моисейге мынча деп чугаалаан: 6«Левийниң аймаан, Бурганның бараалгакчызы Ааронга дузалаар кылдыр d, ооң мурнунга эккеп каг. 7Левиттер ыдыктыг черге кылыр ужурлуг ажылдар кылып, Аароннуң база шупту чоннуң өмүнээзинден Ужуражылга майгынының мурнунга албан-хүлээлгени күүсетсиннер. 8Олар майгынның хамык эт-херекселдери дээш ээ-харыысалгалыг болуп, ыдыктыг черге ажылдар кылып, израильчилерниң албан-хүлээлгелерин күүсетсиннер. 9Левиттерни Ааронга болгаш ооң оолдарынга хүлээдип бер – израиль чоннуң аразындан Ааронга хүлээдип бээр ужурлуг улус ол-дур e. 10А Ааронга болгаш ооң оолдарынга боттарының бараалгакчы хүлээлгезин күүседир даалгадан берип каг – өске-бир кижи ол бараан болуушкунга киржи бээр болза, ону өлүрүп каар ужурлуг f». 11Оон Дээрги-Чаяакчы Моисейге мынча деп дужааган: 12«Мен левиттерни израиль чоннуң баштай төрүттүнген бүгү оолдарының орнунга ап алган мен, ынчангаш олар ам Меңээ хамааржыр. 13Дун төл бүрүзү-ле Мээңии болгай; шупту египет дун төлдерни узуткап каан хүнүмде израиль чонда кижиниң-даа, мал-маганның-даа дун төлдерин Бодумга аңгылап, ыдыктап алган мен – олар ам Меңээ хамааржыр g. Мен – Дээрги-Чаяакчы-дыр мен». 14Дээрги-Чаяакчы Моисейге Синай ховузунга мынча деп чугаалаан: 15«Левийниң үре-салгалын оларның төрел бөлүктерин, ада-өгбезин барымдаалап, чизелеп сана. Бир айдан өрү назылыг шупту эр улусту санап каг». 16Моисей оларны Дээрги-Чаяакчының дужаал берген сөзүнүң аайы-биле санап каан. 17Левийниң оолдарының аттары бо-дур: Гирсон, Кохат болгаш Мерари h. 18Гирсоннуң оолдарының аттары: Ливни биле Шимей i, олардан төрел бөлүктер укталган. 19Кохаттың оолдары Амрам, Ицгар, Хеврон болгаш Узиил олардан база төрел бөлүктер укталган j. 20Мерариниң оолдары Махли биле Мушиден база төрел бөлүктер укталган k. Левийден укталган, ада-өгбе барымдаалап адаан төрел бөлүктер ол-дур. 21Гирсондан укталган төрел бөлүктер: ливни биле шимей; олар Гирсоннуң төрел бөлүктери-дир. 22Оларны санаарга, бир айдан өрү назылыг эр улустуң ниити саны 7500 кижи болган. 23Гирсондан укталган төрел бөлүктер майгынның артынга, ооң барыын талазынга турлагжып аар турган l. 24Гирсоннуң үре-салгалының баштыңы – Лаелдиң оглу Элиасаф. 25Ужуражылга майгынынга Гирсоннуң үре-салгалынга хайгаараар кылдыр дагзып турар чүүлдер бо-дур m: майгынның боду, ооң шывыы, майгынче кирер черниң көжегези, 26майгынны болгаш өргүл салыр бедигээшти долгандыр турар херимниң шывыглары, херимче кирер черниң хаалга-шывыы база майгынның шупту ажылдарын кылырынга херек хендирлер. 27Кохаттан укталган төрел бөлүктер: амрам, ицгар, хеврон болгаш узиил; олар Кохаттың төрел бөлүктери-дир n. 28Оларда бир айдан өрү назылыг эр улустуң ниити саны 8600 ▼▼ Өске бурунгу сөзүглелде 8300 деп бижээн.
кижи болган. Олар ыдыктыг чүүлдер дээш ээ-харыысалгалыг турган. 29Кохаттан укталган төрел бөлүктер майгынның мурнуу чүкче көрүнген талазынга турлагжып аар турган. 30Кохаттың үре-салгалының баштыңы – Узиилдиң оглу Элицафан. 31Оларга хайгаараар кылдыр дагзып турар чүүлдер бо-дур: ыдыктыг аптара, ширээ, чырыткы, өргүл салыр бедигээштер, Бурганга бараан болурда ажыглаар ыдыктыг савалар база көжеге. Оларның кылыр ажылы шак ол чүүлдер-биле холбаалыг p. 32А левиттерниң баштыңнарының даргазы – Аарон бараалгакчының оглу Элеазар. Ыдыктыг чүүлдер дээш ээ-харыысалгалыг улус ооң хайгааралының адаанда турар q. 33Мерариден укталган төрел бөлүктер: махли биле муши; олар Мерариниң төрел бөлүктери-дир. 34Оларны санаарга, бир айдан өрү назылыг эр улустуң ниити саны 6200 кижи болган. 35Мерариниң үре-салгалының баштыңы – Авихаилдиң оглу Цуриил. Ол төрел бөлүктер майгынның соңгу чүкче көрүнген талазынга турлагжып аар турган. 36Мерариниң үре-салгалынга хайгаараар кылдыр дагзып турар чүүлдер бо-дур r: майгынны тудуп турар рамкалар, доора оорга ыяштар, адагаштар, дөжектер болгаш майгынның эт-херекселдери; оларның кылыр ажылы ол чүүлдер-биле холбаалыг. 37Ол ышкаш даштыкы херимниң бүгү талаларында адагаштарны, оларның дөжектерин, өргеннерин болгаш хендирлерин база хайгаарап турганнар. 38А Ужуражылга майгынының мурнунга, ооң чөөн чүкче көрүнген талазынга Моисей база Аарон оолдары-биле турлагжып аар турган. Оларга израиль чоннуң өмүнээзинден ыдыктыг өргээге албан-хүлээлге күүседирин хүлээндирген; ыдыктыг черже чоокшулап келген өске кижини өлүрүп каар ужурлуг. 39Моисей биле Аароннуң Дээрги-Чаяакчының дужааганын ёзугаар санап кааны, бир айдан өрү назылыг эр левиттерниң ниити саны 22 000 кижи болган s. Дун оолдарны садып хостааны
40Дээрги-Чаяакчы Моисейге: «Израиль чоннуң бир айдан өрү назылыг шупту дун оолдарын санаашкынче киирип, даңзылап каг. 41А левиттерни Меңээ аңгылап бараалгат, израиль чоннуң шупту дун оолдарының орнунга – левиттерни, израильчилерниң шупту дун бооп төрүттүнген мал-маганының орнунга – левиттерниң мал-маганын алыр мен» – деп чугаалаан. 42Моисей Дээрги-Чаяакчының дужааганын ёзугаар израиль чоннуң шупту дун оолдарын санап каан. 43Санаашкын кылырга, бир айдан өрү назылыг дун оолдарның ниити саны 22 273 кижи болган. 44Дээрги-Чаяакчы Моисейге мынча деп чугаалаан: 45«Израиль чоннуң шупту дун оолдарының орнунга левиттерни, а мал-маганының орнунга – левиттерниң мал-маганын аңгылап ал, левиттер Меңээ хамаарышсын. Мен – Дээрги-Чаяакчы-дыр мен. 46А израиль чоннуң дун оолдары дээш алыр, левиттерниң санындан артып турар 273 кижи дээш садыызы мындыг болур: 47бир кижи дээш-ле беш шекел мөңгүнден чыып аар сен t – ыдыктыг черге ажыглаар шекелди ажыглап, деңзиле ▼▼ Ыдыктыг черге ажыглап турган шекелдиң деңзизи өске черлерге ажыглаар шекелден ылгалдыг турган чадавас, ынчангаш мында ооң деңзизин тодарадып турар.
. (Бир шекелдиң деңзизи чээрби герага дең болур.) v 48Ол мөңгүннү Ааронга болгаш ооң оолдарынга израиль чонда артып турар улусту садып хостаар кылдыр бериптер сен». 49Моисей левиттер-биле солуурга, саны артып турар дун оолдар дээш садыызы кылдыр берген мөңгүннү ап алган. 50Ол израильчилерниң дун оолдары дээш ыдыктыг черге ажыглаар 1365 шекел деңзилиг мөңгүннү чыып алган. 51Моисей Дээрги-Чаяакчының аңаа дужаал берген сөзүнүң аайы-биле садыызы болган мөңгүннү Ааронга болгаш ооң оолдарынга хүлээдип берген.
Copyright information for
TyvTUV