Num 33 | TyvTUV | STEP | Египет черден бодунуң чурум-чыскаалдыг бөлүктерин ёзугаар, Моисей биле Ааронга баштаткаш, үнүп келген израиль чоннуң көжүп эртип турган черлери бо-дур.

‏ Numbers 33

Израиль чоннуң Египеттен көжүп үнгенин катап бижээни

1 Египет черден бодунуң чурум-чыскаалдыг бөлүктерин ёзугаар, Моисей биле Ааронга баштаткаш, үнүп келген израиль чоннуң көжүп эртип турган черлери бо-дур. 2 Моисей Дээрги-Чаяакчының айтыышкынын ёзугаар көжүп чораан үезинде чоннуң доктаап турган турлагларын тодарадып бижип каан. Оларның көш үезинде доктаап турган турлаглары бо-дур.

3 Израиль чон бир айның он беште Раамсестен көжүп үнген; олар Хосталыышкын байырлалы демдеглээн хүннүң даартазында, бүгү египет чон көрүп турда, эрес-дидими-биле ^{▼▼ Эрес-дидими-биле – дорт очулдурарга, «бедик хол-биле» дээн. Болгу дег өске утказы мындыг: «Бурганның күчү-күштүг холунуң адаа-биле».} бар чытканнар ^b. 4 А египетчилер ол үеде Дээрги-Чаяакчының чок кылып кааны дун оолдарын ажаап турган – оларның бурганнарын Дээрги-Чаяакчы шиидип каан болган ^c.

5 Израиль чон Раамсестен көжүп үнгеш, Сокхотка турлагжып алган ^d.

6 Олар Сокхоттан көжүп үнгеш, ээн кургаг ховунуң кыдыында турар Этамга турлагжып алганнар ^e.

7 Этамдан көжүп үнгеш, Ваал-Цефоннуң дужунда Пи-Гахиротче дедир ээпкеш, Мигдолдуң мурнунга турлагжып алганнар ^f.

8 Пи-Гахироттан көжүп үнгеш, далай ортузу-биле ээн кургаг ховуже эрте бергеш, Этам деп ээн кургаг ховуга үш хүн дургузунда чоруп-чоруп, Марага турлагжып алганнар ^g.

9 Марадан көжүп үнгеш, Элимге чедип келгеннер. А Элимде он ийи суг бажы биле чеден пальма ыяш бар болган, олар аңаа турлагжып алганнар ^h.

10 Израильчилер Элимден көжүп үнгеш, Кызыл далай чанынга турлагжып алганнар.

11 Кызыл далайдан көжүп үнгеш, ээн кургаг Син ховузунга турлагжып алганнар ⁱ.

12 Син ховузундан көжүп үнгеш, Дофкага турлагжып алганнар.

13 Дофкадан көжүп үнгеш, Алушка турлагжып алганнар.

14 Алуштан көжүп үнгеш, Рефидимге турлагжып алганнар. Ол черде ижер суг чок болган ^j.

15 Рефидимден көжүп үнгеш, Синай ховузунга турлагжып алганнар ^k.

16 Синай ховузундан көжүп үнгеш, Киброт-Гаттаавага турлагжып алганнар ^l.

17 Киброт-Гаттаавадан көжүп үнгеш, Асиротка турлагжып алганнар ^m.

18 Асироттан көжүп үнгеш, Ритмага турлагжып алганнар.

19 Ритмадан көжүп үнгеш, Римнон-Фарецке турлагжып алганнар.

20 Римнон-Фарецтен көжүп үнгеш, Ливнага турлагжып алганнар.

21 Ливнадан көжүп үнгеш, Риссага турлагжып алганнар.

22 Риссадан көжүп үнгеш, Кегелафага турлагжып алганнар.

23 Кегелафадан көжүп үнгеш, Шафер даг чанынга турлагжып алганнар.

24 Шафер дагдан көжүп үнгеш, Харадага турлагжып алганнар.

25 Харададан көжүп үнгеш, Макелотка турлагжып алганнар.

26 Макелоттан көжүп үнгеш, Тахатка турлагжып алганнар.

27 Тахаттан көжүп үнгеш, Тарахка турлагжып алганнар.

28 Тарахтан көжүп үнгеш, Мифкага турлагжып алганнар.

29 Мифкадан көжүп үнгеш, Хашмонага турлагжып алганнар.

30 Хашмонадан көжүп үнгеш, Мосеротка турлагжып алганнар.

31 Мосероттан көжүп үнгеш, Бене-Яаканга турлагжып алганнар ⁿ.

32 Бене-Яакандан көжүп үнгеш, Хор-Агидгадка турлагжып алганнар.

33 Хор-Агидгадтан көжүп үнгеш, Иотвафага турлагжып алганнар ^o.

34 Иотвафадан көжүп үнгеш, Авронага турлагжып алганнар.

35 Авронадан көжүп үнгеш, Эцион-Гаверге турлагжып алганнар ^p.

36 Эцион-Гаверден көжүп үнгеш, Цин ховузунда Кадеске турлагжып алганнар ^q.

37 Кадестен көжүп үнгеш, Эдом чурттуң кызыгаарында Ор дагның чанынга турлагжып алганнар ^r. 38 Аарон бараалгакчы Дээрги-Чаяакчының дужаалын ёзугаар Ор дагже үне бергеш, израиль чоннуң египет черден үнүп чорутканының дөртенги чылында, беш айның бирээде ол дагга мөчээн ^s. 39 Ор дагга мөчүүрде, Аарон 123 харлыг турган.

40 Ол үеде ханаан черниң Негевте турар Арад хоорайының хананей хааны израиль чоннуң кел чыдарын дыңнап каан чүве-дир ^t.

41 Израильчилер Ор дагдан көжүп үнгеш, Салмонага турлагжып алганнар.

42 Салмонадан көжүп үнгеш, Пунонга турлагжып алганнар.

43 Пунондан көжүп үнгеш, Овотка турлагжып алганнар ^u.

44 Овоттан көжүп үнгеш, Моавтың кызыгаарында чыдар Ийе-Аваримге турлагжып алганнар ^v.

45 Ол черден көжүп үнгеш, Дивон-Гадка турлагжып алганнар.

46 Дивон-Гадтан көжүп үнгеш, Алмон-Дивлатаимге турлагжып алганнар.

47 Алмон-Дивлатаимден көжүп үнгеш, Аварим дагларынга, Нево дагның баарынга турлагжып алганнар ^w.

48 Аварим дагларындан көжүп үнгеш, Моавтың ховуларынга, Иордан хемниң кыдыынга, Иерихоннуң дужунга турлагжып алганнар ^x.

49 Олар Иорданның чөөн талакы кыдыынга, Моавтың ховуларынга Бет-Иешимоттан Авел-Ситтимге чедир девискээрге турлагжып алганнар ^y.

50 Дээрги-Чаяакчы Моавтың ховуларынга, Иордан хемниң кыдыынга, Иерихоннуң дужунга Моисейге мынча деп чугаалаан: 51 «Израиль чонга мону дамчыдып чугаала. Иордан хемни кежип, ханаан черге чеде бергеш, 52 ол черниң бүгү чурттакчыларын мурнуңардан сывырып чорудуптуңар, оларның чонуп, шуткуп кылган хамык дүрзү-бурганнарын узуткап кааптыңар, мөгейиишкин кылыр бедик черлерин үрегдеп кааптыңар ^z. 53 Ол черни эжелеп алгаш, аңаа чурттай бериңер, чүге дээрге Мен ону ээлезин дээш силерге берип тур мен. 54 Черни үлээрде, төлге даштары октааш, төрел бөлүк бүрүзүнге хувааглыг черден айтып бээр силер. Хөй санныг төрел бөлүк – улуг хувааглыг чер, а эвээш санныг төрел бөлүк – улуг эвес хувааглыг чер алзын ^aa; төлге даштары ол төрел бөлүкке кайнаар айтып дүжер-дир, төрел бөлүк хувааглыг черин аңаа алзын. Хувааглыг черлериңерни ада-өгбеңерден укталган аймактарыңар аайы-биле алыр силер.

55 А бир эвес бо черниң чурттакчыларын мурнуңардан сывырып чорудуппас болзуңарза, оларның арткан улузу силерге карактарыңарже кадалган чартылар, быктыңарже кадалган теннер дег болу бээр база ээлеп чурттай бээр чериңерге силерни кызып-кыяр. 56 Мен ынчан силерни, оларны канчаар аажылаар деп турганым дег, ынчаар аажылаар мен».