Numbers 6
Назорейлер дугайында дүрүм-хоойлу
1Дээрги-Чаяакчы Моисейге мынча деп чугаалаан: 2«Израиль чонга мону дамчыдып чугаала. Бир эвес эр азы херээжен кижи назорей ▼▼ Назорей – бо еврей сөс «аңгылаткан» азы «бараалгаткан» деп уткалыг.
болурунуң онза даңгыраан берип, бодун Дээрги-Чаяакчыга бараалгадыр деп турар болза b, 3ол кижи арага болгаш өске-даа эзиртир суксун ижеринден ойталаар, виноградтан кылган ажыг хандыны азы кандыг-даа өске суксунну ишпес ужурлуг база чаа виноград каттарын-даа, кадырып каан үзүмнү-даа чивес ужурлуг. 4Назорей бооп аңгыланган хуусаазының дургузунда ол кижи виноградтан кылган кандыг-даа аъш-чем чивес ужурлуг; виноград сөөкчүгештерин-даа, ооң картын-даа чивезин. 5Назорей бооп даңгыраглаан хуусаазының дургузунда ол кижи бажының дүгүн шуут таарып, чүлүвес ужурлуг. Дээрги-Чаяакчыга бодун бараалгаткан хуусаазы эрткижеге чедир, ол кижи ыдыктыг бооп артар, бажының дүгүн узадыр өстүрер ужурлуг c. 6Дээрги-Чаяакчыга бодун бараалгаткан хуусаазының дургузунда ол кижи секче чоокшулавас ужурлуг d. 7Бодунуң ада-иези азы бодунуң акы-дуңмазы, азы угба-дуңмазы өлү бээрге безин, ол кижи оларже чоокшулавазын – арыг эвес апарбазын – Бурганга бараалгаттырганының демдээ ▼▼ Демдек – назорей кижиниң бажының узун дүгү.
ооң бажында көскү болгай. 8Назорей бооп турары хуусааның дургузунда ол кижи Дээрги-Чаяакчының мурнунга ыдыктыг болур ужурлуг. 9А назорейниң чанынга кандыг-бир кижи хенертен өлүп каарга, ооң назорей болганын демдеглеп турар бажы* бужартай берген дижик. Ол назорей кижи ооң соонда чеди хүн эрткенде – бодун арыглаар ужурлуу хүнде – бажының дүгүн дөңгүрертир чүлүп алзын. 10Сески хүнде ол кижи ийи көге-буганы азы ийи көгээзинни Бурганның бараалгакчызынга, Ужуражылга майгынынче кирер черге эккээр ужурлуг f. 11Бараалгакчы ол ийи куштуң бирээзин бачыт дээш өргүл кылдыр, а өскезин – бүрүн өрттедир өргүл кылдыр салгаш, өлүг кижиниң чанынга тургаш, арыг эвес апарган назорейни арыглап, ооң бажын ол-ла хүн ыдыктап кагзын. 12Демги кижи бодун Дээрги-Чаяакчыга бараалгадып, назорей болган хуусаазын катап эгелеп алгаш, кем-буруу дээш өргүл кылдыр бир харлыг эр хураганны эккеп салыр ужурлуг; а биеэги хуусаа хилис барган, чүге дээрге ооң баштай назорей бооп аңгыланганы бужар апарган-дыр. 13Назорей бооп турар хуусаазы төне берген назорей кижи дугайында дүрүм бо-дур. Ол кижини Ужуражылга майгынынче кирер черге эккээрге, 14Дээрги-Чаяакчыга дараазында өргүлдерни: четпес-дудуу эвес бир харлыг эр хураганны бүрүн өрттедир өргүл кылдыр, четпес-дудуу эвес бир харлыг кыс хураганны бачыт дээш өргүл кылдыр, четпес-дудуу эвес бир кошкарны эп-найырал өргүлү кылдыр эккеп салыр ужурлуг g. 15Бир аргаан хааржак ишти – кызыл-тас далганындан ажыткы-биле хөөтпейн быжырган, олива үзү холаан хлебтерни база олива үзү-биле кырын чаап каан чуга хаарган далганнарны эккеп салзын. Ол бүгү өргүлдер-биле кады далган-тараа база арага өргүлдерин салзын h. 16Бурганның бараалгакчызы ол бүгүнү Дээрги-Чаяакчының мурнунга эккелгеш, назорейниң бачыт дээш өргүлүн база бүрүн өрттедир өргүлүн салзын. 17Бараалгакчы оон эп-найырал өргүлүнүң кошкарын бир аргаан хааржак ишти далганнар база хлебтер-биле кады Дээрги-Чаяакчыга өргүл кылдыр салзын. Оон далган-тараа өргүлүн болгаш арага өргүлүн база салзын. 18Назорей кижи майгынче кирер черге ол назорей дээрзин демдеглеп турган бажын дөңгүрертир чүлүп алзын база бажының дүгүн ап алгаш, эп-найырал өргүлүнүң адаанда отче каапсын. 19Бараалгакчы дүлүп каан кошкар өштүн база аргаан хааржактан бир хлебти, бир чуга хаарган далганны ап алгаш, бажын дөңгүрертир чүлүдүп алган назорейге тутсуп берзин i. 20Оон бараалгакчы ол бүгүнү Дээрги-Чаяакчыга онза өргүлдер кылдыр бараалгатсын. Шак ол ыдыктыг өргүлдер Дээрги-Чаяакчыга өргүп салган төш болгаш дөңмек-биле кады бараалгакчыга хамааржыр j. Ооң соонда назорей кижи арага ижип болур. 21Назорей болурунуң даңгыраан берген кижи дугайында дүрүм ол-дур. Ооң назорей болганы дээш Дээрги-Чаяакчыга салыр ужурлуг өргүлү ол-дур. Оон аңгыда ол кижи бодунуң шаа-биле өске өргүлдерни база салып болур. Ол кижи назорей болурунуң дугайында дүрүм ёзугаар канчаар даңгыраглааныл, ынчаар күүседир ужурлуг». Бараалгакчыларның чонну алгап-йөрээгени
22Дээрги-Чаяакчы Моисейге мынча деп чугаалаан: 23«Ааронга болгаш ооң оолдарынга мону дамчыдып чугаала. Олар израиль чонну йөрээп тура k, мынча дизин: 24„Дээрги-Чаяакчы сеңээ ачы-буян хайырлап, сени кадагалазын! l25Дээрги-Чаяакчы Бодунуң чырыткылыг арны-биле
сени херелдендир чырытсын, сенче ээ көрүнзүн! m
26Дээрги-Чаяакчы көрүжүн сенче ээлдирзин,
чаагай чорукту сеңээ хайырлазын!“
27Аарон болгаш ооң оолдары Мээң адым-биле израильчилерни йөрээзин, Мен ынчан оларга ачы-буяным хайырлаар мен».
Copyright information for
TyvTUV