Pro 12 | TyvTUV | STEP | Эртем-билигге ынак кижи чагыг-сургаалга база ынак, а чемелээшкинни көөр хөңнү чок кижи мириттели бээр .

fЫд. ыр. 9:30; 63:5; Иер. 5:26

g У. ч. 14:3

i Ы. х. к. 25:4

j У. ч. 28:19

kЫд. ыр. 58:13; У. ч. 18:7

l У. ч. 21:23

m У. ч. 13:2; 18:21

n Иса. 3:10; Иер. 22:15

‏ Proverbs 12

1 Эртем-билигге ынак кижи чагыг-сургаалга база ынак, а чемелээшкинни көөр хөңнү чок кижи мириттели бээр ^a.
2 Буянныг кижи Дээрги-Чаяакчының сеткилинге кирер,
а кара сагыштыг кижи Аңаа буруу шаптырар.
3 Кижи бузуттуу-биле быжыг туруш чок,
а чөптүг-шынныг кижи чайгылыш чок дазыл-дөстүг ^b.
4 Бүдүштүг кадай ^c – ашаанга ат-алдар дег,
а бужар кадай – ооң сөөк-даяан иридер аарыг дег ^d.
5 Чөптүг-шынныг кижиниң бодалында – чөптүг чорук,
а бузуттуг кижиниң угаанында – кара сагыш ^e.
6 Бузуттуг улустуң чугаа-сөзүнүң артында хан төгүксээн күзел чаштынган ^f,
а чөптүг-шынныг улусту аас-сөзү камгалаар ^g.
7 Бузуттуг улус буураарга, олардан чүү-даа артпас,
а чөптүг-шынныг улустуң оран-савазы быжыг туруштуг.
8 Кижини угаанныг чугаа-сөзү алдаржыдар,
а кем-буруулуг бодалдары – бужартадыр.
9 Адыыргап чорааш, аъш-чем чок артарынга көөрде,
ат-сураг чок чорааш, чалчалыг боору ^{▼▼ Азы: «Бодунга боду чалча боору».} дээре.
10 Чөптүг-шынныг кижи мал-маганынга-даа чүү херегин билир ⁱ,
а бузуттуг улустуң хайыралаан сагыжы безин каржы-дошкун.
11 Черин болбаазыраткан кижиниң хырны тодуг,
а хоозун күзел-бодал сүрген кижиниң угааны четпес ^j.
12 Бузуттуг кижи улусту кара сагыжының какпазынга тудуп аарын бодаар,
а чөптүг-шынныг улустуң дазылындан өзүмнер үнер.
13 Бузуттуг кижи меге чүве чугаалааш, туттуруп аар ^k,
а чөптүг-шынныг кижи айыылдан чайлаар ^l.
14 Кижи бодунуң чугаа-сөзүнүң буянныг дүжүдүн ажаап аар ^m,
ооң кылган күш-ажылы шаңнал бооп, орнун эгидер ⁿ.
15 Тенек кижи бодунуң оруун шын деп бодаар ^o,
а мерген угаанныг кижи арга-сүмени дыңнаар.
16 Тенек кижи бодунуң килеңин ^p улус мурнунга доп-дораан көргүзер ^{▼▼ Азы: «Тенек кижи килеңи-биле бодун доп-дораан көргүзүп аар».},
а кажараан кижи дорамчылалды дыңнаваан бооп, эрттирип каар.
17 Шынны чугаалаан кижи – чөптүг херечи-дир,
а мегелеп херечилээр кижи кара сагыжын чугаалаар ^r.
18 Хоозун чугаа хылыш ышкаш балыглап боор ^s,
а мерген угаанныг улустуң аас-сөзү – экиртир шынарлыг ^t.
19 Шынныг сөстер – кезээ мөңгеде артар,
а мегечи дыл – хензиг өйде артар ^u.
20 Өзү кара улустуң чүрээнде – кара сагыш,
а тайбың тарыкчыларының чүрээнде – өөрүшкү бар.
21 Чөптүг-шынныг кижи-биле кандыг-даа бак чүве болбас ^v,
а бузуттуг улусту бажын ажыр айыыл бүргээн болур.
22 Мегечи кижиниң аас-сөзү – Дээрги-Чаяакчыга бужар чүүл ^w,
а шынын чугаалаар улус Ооң сеткилинге кирер.
23 Кажараан кижи бодунуң билиин чажырар,
а мелегей улус бодунуң мелегейин көзүлдүр делгээр ^x.
24 Кызымак улустуң холу – улусту чагырар,
а чалгаа холду албадап ажылдадыр.
25 Сагышсырал кижиниң чүрээн шагзырадыр,
а эки сөс – хөгледир.
26 Чөптүг-шынныг кижи эжинге шын орук айтыр,
а бузуттуг улустуң оруктары оларны астырар.
27 Чалгаа кижи олча-тывыш чок артар,
а кызымак кижи бай-шыдалдыг чурттаар.
28 Кижини чөптүг оруу амыдыралче аппаар,
ооң чедире бээр черинде өлүм турбас.