Pro 18 | TyvTUV | STEP | Бодун бодаар кижи күзээн чүвезин кылырынче чүткүүр, угаанныг сүмелерге удурланыр.

‏ Proverbs 18

1 Бодун бодаар кижи күзээн чүвезин кылырынче чүткүүр, угаанныг сүмелерге удурланыр.
2 Мелегей кижи боданыр хөңнү чок,
харын бодун бодамчалыг кылдыр көргүзүксээр.
3 Бузут үүлгеткен кижи дора көрдүрер,
а бак атка кирерге, дорамчылал сүрүп кээр.
4 Кижиниң аксындан үнген сөстер – терең ээрем дег ^a;
мерген угаанның үнер дөзү – агым суглар дег.
5 Бузуттуг кижини чүүлдүг деп көөрү ^b
азы эки кижиге чөптүг шииткел үндүрбези – бак херек-тир ^c.
6 Мелегей кижиниң аас-дылы алгыш-кырыш үндүрер,
аксындан үнген сөзү эттедип-соктурарынга чедирер ^d.
7 – 8 Мелегей кижиниң чугаа-сөзү буураашкынга чедирер ^e,
аксындан үнген сөзү – бодунуң туттунар дузаа ^{f
,} ^{▼▼ Өске бурунгу сөзүглелде ол сөстерге «Кортуктарны оларның коргужу куду базар, а херээжензиг аажы-чаңныг эрлер аштаар» деп домак немээн.}.
9 Хопчу кижиниң чугаа-сөзү амданныг чем дег –
кижиниң ишти-хөңнүнүң эң ханызынче кире бээр ^h.
10 Ажылынга чалгаа кижи – үрегдекчиниң дуңмазы.
11 Дээрги-Чаяакчының ады ⁱ – быжыг суурга ^j:
аңаа чаштынган чөптүг-шынныг кижи камгалалды алыр.
12 Бай кижиге эт-хөреңгизи – быжыг шивээ-даа дег ^k,
ол аңаа артап болбас хана дег сагындырар.
13 Кижи буураар бетинде туразы улгадыр ^l,
а биче сеткил алдарны мурнап чоруур ^m.
14 Чугааны чедир дыңнавайн, харыы бээри –
мелегей чорук болгаш ыят-тыр.
15 Сеткили сорук кирген кижи аарыг-аржыкты ажып шыдаар,
ынчалза-даа сеткили ундаргай болза, ол канчаптарыл? ⁿ
16 Сарыылдыг кижиниң чүрээ билигже чүткүүр,
мерген угаанныг улустуң кулаа билиг дилээр.
17 Белек сөңнээшкини кижиге делгем орукту ажыдар,
бедик ат-дужаалдыг улус аразынче киире бээр ^o.
18 Удурланыкчызы чугаалап эгелевээнде, сактырга,
баштай чаргылдажып эгелээн кижиниң сөстери шынныг-даа ышкаш болур.
19 Күштүг удурланыкчыларның маргыжын чарар дээш үлүг тыртары
алгыш-кырышты соксадыр.
20 Хомудаан ха-дуңмаң ^{▼▼ Өске бурунгу сөзүглелде «Ха-дуңмаңның дузаламчызы» деп бижээн.} – быжыг шивээ-ле;
алгыш-кырыш – шивээ хаалгазының дээктери-ле.
21 Кижи чугаа-сөзүнүң үре-түңнели-биле хырнын тоттурар:
аксы-биле чедип алган чүвезин чигеш, тодар ^q.
22 Амыдырал биле өлүм – чугаа-сөстүң эргезинде;
чугаа-сөзү-биле эп-найыралдыг кижи ооң үре-түңнелин амзап көөр.
23 Кадай тып алган кижи ачы-буян тып алган-дыр ^r,
Дээрги-Чаяакчының ээ көрнүүшкүнүн чедип алган-дыр ^s.
24 Ядыы кижиниң сөстеринде – кызып дилээни,
а бай кижиниң харыызында – каржы-хажагайы бар.
25 Хөй таныш өөрлүг кижи бак чүведен чайлавас ^{▼▼ Еврей сөзүглелде бо домактың утказы эки билдинмес. Болгу дег өске утказы мындыг: «Эш-өөрлүг болуксаар кижи бодун эп-найыралдыг алдынар ужурлуг».};
сеңээ ха-дуңмаңдан артык ынак эжиң кижи база турар ^u.