Psalms 107
(Ыд. ыр. 56:8-12; 59:7-14)
1Мизмор-ыр. Давидтии.2Бурганым, мээң чүрээм быжыг соруктуг a,
сеткилимниң ханызындан
Сени алгап ырлап, алдаржыдар мен!
3Чанзы биле чадаган, одунуңар! b
Эртенги хаяаны оттурайн!
4Дээрги-Чаяакчы, мен Сени чоннар аразынга мактаар мен,
аймактар аразынга алгап ырлаар мен.
5Сээң энерелиң дээрлерден бедик,
Сээң шынчы чорууң булуттарга үзүп турар c.
6Бурганым, дээрлерден-даа бедидир көдүртүп, мактат,
Сээң алдарың бүгү чер-делегей кырынга чайынналзын!
7Бодуңнуң ынак улузуңну күчү-күжүң-биле камгалап,
меңээ харыылап көр.
8Бурган Бодунуң ыдыктыг өргээзинге мынча дээн:
«Сихем хоорайны d өөрүшкүлүг үлеп-хуваар мен,
Сокхот шынааны хемчээп-хуваар мен e:
9Галаад биле Манассияның черлери – Мээңии,
Эфремниң чери – Мээң бажымда куяк бөрт,
Иуданың чери – Мээң даянгыыжым болур;
10а Моавтың чери – Мээң бут чуур таваам болур,
Эдомнуң черин сапыым таптай базар.
Филистим черни тиилээним дээш өөрүп-байырлаар мен».
11Быжыглаттынган хоорайже кым мени киире бээрил?
Эдомче кым мени чедирерил?
12Сен эвес сен бе, бисти каапкан Бурганывыс?
Бистиң аг-шериивис-биле кады үнмезиң ол бе?
13Кызагдаткан биске дузалап көр,
кижи амытандан кээр дуза – хоозун идегел болгай f.
14Бурганның ачызында күжүвүстү көргүзер бис:
дайзыннарывысты Ол таптай базып каар.
Copyright information for
TyvTUV