Psalms 11
1Хөгжүм башкарыкчызынга. Сес хылдыг хөгжүм херексели үдээр. Мизмор-ыр. Давидтии.2Дээрги-Чаяакчы, камгала! Сеңээ бердинген кижи артпаан-дыр,
кижи төрелгетенниң иштинде бүзүреп болгу дег улус чок-тур a.
3Кижи бүрүзү өске кижиге мегелеп чугаалап турар,
олар баажыланган чүрээнден авыяас дылдары-биле авыяастап чугаалажыр b.
4Авыяас, турамык дылдарның шуптузун
Дээрги-Чаяакчы тура соп каапсын.
5Ол улус: «Аксы-сөзүвүс-биле ажып тиилээр бис,
дылдарывыс бисти деткип турда,
кым биске дээрги боорул?» – дижип турар.
6А Дээрги-Чаяакчы: «Мен ам түреңги улуска – човалаңы дээш,
базындырган улуска – уё-човууру дээш болчур мен,
Мээң камгалалым алыксаан кижиниң
идегелин боттандырып бээр мен» – деп турар.
7Дээрги-Чаяакчының сөстери – арыг сөстер-дир c;
олар – чеди катап арыглаан, хайылдырар суугуга
довурактан аңгылай эзилдирген мөңгүн дег-дир.
8Дээрги-Чаяакчы, Бодуңнуң улузуңну кадагалаар сен,
оларны шак ындыг авыяас улустан
кезээ мөңгеде камгалаар сен.
9Кижи төрелгетенниң иштинде эң бак чүүл үнеледи бээрге,
бузуттуг хейлер кайда-даа чоруп турар апарды.
Copyright information for
TyvTUV