Psa 112 | TyvTUV | STEP | Аллилуйя! Дээрги-Чаяакчының чалчалары, Ону алгап-мактаңар, Ооң адын алгап-мактаңар!

a112:2 Иов 1:21; Ыд. ыр. 113:26

b112:3 Ыд. ыр. 47:11; 49:1; Мих. 1:11

c112:4 Ыд. ыр. 98:2; 148:13

d112:4 Ыд. ыр. 8:1

e112:5 Ыд. ыр. 34:10

f112:6 Ыд. ыр. 10:4

g112:7 1 Хаан. 2:8; Ыд. ыр. 106:41

h112:9 1 Хаан. 2:5; Ыд. ыр. 67:7

‏ Psalms 112

1 Аллилуйя! Дээрги-Чаяакчының чалчалары, Ону алгап-мактаңар,
Ооң адын алгап-мактаңар!
2 Дээрги-Чаяакчының ады амдыгааштан эгелээш,
кезээ мөңгеде алгадып-йөрээттирзин ^a.
3 Хүн үнер черден хүн ажар черге чедир
Дээрги-Чаяакчының ады алдаржызын ^b.

4 Дээрги-Чаяакчы бүгү чоннарның кырында өрү көдүрткен ^c,
Ооң алдары дээрлерден бедик ^d.
5 Дээрги-Чаяакчы Бурганывыс ышкаш кым барыл? ^e
Ол бедикте саадап орар,
6 дээр биле черни көөр дээш, куду алзы ээгип турар ^f.
7 Ол довурактан ядыы кижини тургуза тыртып,
боктан түреңги кижини көдүрүп турар ^g;
8 ону баштыңнарның,
Бодунуң чонунуң баштыңнарының чанынга олуртуп турар.
9 Аал-оранында үре-төл чок херээженни
Ол ажы-төлүнге өөрээн ава кижи кылдыр хуулдуруп турар ^h.
Аллилуйя!