a117:1 Ыд. ыр. 105:1
b117:5 Ыд. ыр. 17:20; 30:8
c117:6 Ыд. ыр. 55:5, 12; Иса. 51:7, 12; Евр. 13:6
d117:7 Ыд. ыр. 53:9
e117:8 Ыд. ыр. 145:3; Иер. 17:5
f117:10 Ыд. ыр. 21:13
g117:14 Хост. 15:2; Иса. 12:2
h117:15 Хост. 15:6
i117:17 Ыд. ыр. 72:28; 106:22
j117:19 Ыд. ыр. 23:7; Иса. 26:2
k117:20 Ажыд. 21:27
l117:22 Иса. 28:16; Зах. 10:4; Мф. 21:42; Мк. 12:10; Лк. 20:17; Аж.-ч. 4:11; Эф. 2:20; 1 Пет. 2:7
n117:26 Мф. 21:9; 23:39; Мк. 11:9; Лк. 13:35; 19:38
o117:27 2 Хаан. 21:17; 4 Хаан. 8:20; Ыд. ыр. 17:29
p117:29 Ыд. ыр. 105:1

‏ Psalms 117

1Дээрги-Чаяакчыга өөрүп четтириңер; Ол ачылыг-дыр, Ооң энерели кезээ шагда үстүп төнмес-тир a.
 2Израиль чон: «Ооң энерели кезээ шагда
үстүп төнмес-тир!» – деп чугаалазын.
 3Аароннуң үре-салгалы: «Ооң энерели кезээ шагда
үстүп төнмес-тир!» – деп чугаалазын.
 4Дээрги-Чаяакчыдан коргар бүгү улус:
«Ооң энерели кезээ шагда
үстүп төнмес-тир!» – деп чугаалазын.

5Кызагдаашкынга таварышкаш, Дээрги-Чаяакчыны кыйгырдым –
Ол мени дыңнап кааш, делгем шөлээн черже үндүрүп каан b.
 6Дээрги-Чаяакчы мээң таламда-дыр, корткан херээм чүл,
кижи амытан меңээ чүнү кылып шыдаарыл? c
 7Дээрги-Чаяакчы меңээ дузалаар:
дайзыннарым буураашкынын көрүп каар мен d.
 8Дээрги-Чаяакчыдан хоргадал алыры
кижи амытанга ынанырындан канчап-даа дээре e.
 9Дээрги-Чаяакчыдан хоргадал алыры
баштыңчыларга ынанырындан канчап-даа дээре.

10Бүгү чоннар мени бүзээлеп келгеннер f,
ынчалза-даа Дээрги-Чаяакчының ады-биле оларны ойтур шаптым.
 11Олар мени бүгү чүктерден бүзээлеп келгеннер,
ынчалза-даа Дээрги-Чаяакчының ады-биле оларны ойтур шаптым.
 12Олар мени арылар ышкаш үглеп келгеннер,
ынчалза-даа, отка кыпкан тенниг хараган дег,
дүрген хып, өже бергеннер,
Дээрги-Чаяакчының ады-биле оларны ойтур шаптым.
 13Кээп ушсун дээш, күш-биле иткеннер,
ынчалза-даа Дээрги-Чаяакчы меңээ дузалады.

14Дээрги-Чаяакчы – күчү-күжүм болгаш ырым;
Ол мээң Камгалакчым болду g.

15Чөптүг-шынныг улустуң оран-саваларында
камгалал дээш өөрүшкүлүг ыыт-шимээн дыңналган:
«Дээрги-Чаяакчының холу күчү-күжүн көргүскен! h
 16Дээрги-Чаяакчының холу бедидир көдүрүлген,
Ооң холу күчү-күжүн көргүскен!»

17Өлбес мен, харын амыдырап,
Дээрги-Чаяакчының ажыл-херектерин медээлээр мен i.
 18Дээрги-Чаяакчы мени шыңгыы кезеткен,
ынчалза-даа өлүмге хүлээдип бербээн.

19Чөптүг-шынныг улустуң кирер эжик-хаалгазын
меңээ ажыдып бериңер j:
ынаар кире бергеш, Дээрги-Чаяакчыны алдаржыдайн.
 20Ол эжик – Дээрги-Чаяакчыныы-дыр:
чүгле чөптүг-шынныг улус ону ажыдып кире бээр k.
 21Дээрги-Чаяакчы, Сеңээ өөрүп четтирип тур мен –
мени дыңнап кагдың, Камгалакчым болу бердиң.

22Тудугжуларның херекчок дээш, октапкан дажы
эң чугула даш апарган l;
 23Дээрги-Чаяакчы ынчалдыр кылган, ону көөрү биске кайгамчык-тыр!
 24Бо хүн дээрге Дээрги-Чаяакчының биске
өөрүп-хөглезин дээш берген хүнү-дүр ▼
▼117:24 Азы: «Бо хүн дээрге Дээрги-Чаяакчының чаяап каан хүнү-дүр, ында өөрүп-хөглээли».
.

25О, Дээрги-Чаяакчы, бисти камгалап көрем!
О, Дээрги-Чаяакчы, үүле-херээвис чедимчелиг болзун!

26Дээрги-Чаяакчының өмүнээзинден
кел чыдар кижи алгадып-йөрээтсин! n
Силерни Дээрги-Чаяакчының өргээзинден
алгап-йөрээп тур бис.
 27Дээрги-Чаяакчы – Бурган-дыр.
Ол биске чырыкты эккеп берген o.
Өргүл малын хүлүп-шарааш, өргүл бедигээжинче эккелиңер.

28Сен – мээң Бурганым сен, Сеңээ өөрүп четтирер мен.
Бурганым Сени кымдан арттыр мактаар мен.
 29Дээрги-Чаяакчыга өөрүп четтириңер;
Ол ачылыг-дыр,
Ооң энерели кезээ шагда үстүп төнмес-тир p.
Copyright information for TyvTUV