Psalms 121
Көдүрлүүшкүн ыры a. Давидтии.
1Улус меңээ:«Дээрги-Чаяакчының өргээзинче бараалы» – дээрге b,
өөрүп-хөглеп турганым кай.
2Иерусалим, бистиң буттарывыс эжик-хаалгаң аксында тур.
3Иерусалим, бажыңнарын тудушкак кылдыр туткан хоорай сен ▼
▼121:3 Еврей сөзүглелде бо шүлүктүң утказы эки билдинмес. Болгу дег өске утказы мындыг: «Иерусалим – улус сеңээ келгеш, эптежип аар кылдыр туткан хоорай сен».
.4Израильдиң Дээргиге хамааржыр аймактары,
Ооң адын мактаар дээш, Израильдиң хоойлузун ёзугаар
Иерусалимче көдүрлүп үнүп турар d.
5Ында Давидтиң салгакчылары дүжүлгелеринге олуруп алгаш,
чөптүг шииткелди үндүрүп турар e.
6Иерусалимни амыр-тайбың-биле алгап-йөрээңер f:
«Сеңээ ынак улус амыр-шөлээн чурттазын.
7Быжыг ханаларың иштинге тайбың догунназын,
шивээлериңге амыр-дыш доктаазын».
8Мээң ха-дуңмам дээш, чоок кижилерим дээш:
«Иерусалим, сеңээ амыр-тайбың!» – деп чугаалаайн.
9Дээрги-Чаяакчы Бурганывыстың өргээзи сенде боорга,
сеңээ буян-кежик доктаазын дээш чүткүлүм көргүзер мен g.
Copyright information for
TyvTUV