Psalms 128
Көдүрлүүшкүн ыры a.
1Израиль чугаалазын b:аныяамдан-на дайзыннарым мени аажок кызагдап келген.
2Аныяамдан-на дайзыннарым мени аажок кызагдап келген,
ынчалза-даа ажып-тиилеп шыдаваан.
3Дайзыннар – үрезин тарып, чер чарган чажыкчы дег c,
ооргамны балыглап, ханы истер арттырып каан.
4Ынчалза-даа Дээрги-Чаяакчы чөптүг шиидип,
бузуттугларның мени хүлээн кинчи-бегин үзе шаапты.
5 Сион дагны көөр хөңнү чок бүгү улус кочу-шоотка кирип,
дедир дессин d.
6Олар – бажың кырындан ▼
▼128:6 Бажың кыры – Палестинага бажыңнар крышалары ийленчек эвес, а калбак болур турган. Оът-сиген үрезини бажың кырынче хадый берзе-даа, хөрзүн чедишпезинден өзүп үнүп шыдавас турган.
үнүп келгеш,өзүп четтикпейн чыда-ла, кадып каар оът-сиген дег болзун f.
7Шак ол оът-сиген
тараа кезикчизиниң холунга туттунмас,
моожа баглакчызының адыжын долбас;
8оларның чаны-биле эрткен-дүшкен улус-даа:
«Дээрги-Чаяакчының ачы-буяны силерде-дир!
Дээрги-Чаяакчының ады-биле
силерни алгап-йөрээп тур бис!» – деп чугаалавас g.
Copyright information for
TyvTUV