Psa 13 | TyvTUV | STEP | Хөгжүм башкарыкчызынга. Давидтии. Тенек кижи сеткил-хөңнүнге «Бурган чок» деп түңнел кылган . Ындыг улус самыыраан-дыр, чүдек-бужар херектерни үүлгеткен-дир; буян кылып турар кижи тывылбаан-дыр .

aЫд. ыр. 9:25

c Э. д. 11:5; Ы. х. к. 26:15; Ыд. ыр. 32:14; 101:19

e У. ч. 30:14; Иер. 10:25; Иез. 34:3; Мих. 3:3

‏ Psalms 13

(Ыд. ыр. 52)

Хөгжүм башкарыкчызынга. Давидтии.

1 Тенек кижи сеткил-хөңнүнге «Бурган чок» деп түңнел кылган ^a.
Ындыг улус самыыраан-дыр, чүдек-бужар херектерни үүлгеткен-дир;
буян кылып турар кижи тывылбаан-дыр ^b.
2 Дээрги-Чаяакчы дээрден кижи төрелгетенче,
«Бурганче чүткүп турар сарыылдыг кижи бар бе?» дээш,
куду алзы топтап көрген ^c.
3 Шупту улус Бургандан ойталап, шупту бир аай будалган болган;
буян кылып турар кижи тывылбаан –
чаңгыс-даа кижи чок болган ^d.

4 Бузут үүлгедип турар бүгү улус черле угаан кирбези ол бе?
Олар мээң чонумну аъш-чем ышкаш
сыырып турар-дыр ^e база Дээрги-Чаяакчыга мөргүвес-тир.
5 Олар күштүг коргуушкунга алзып аар,
Бурган чөптүг-шынныг улустуң талазында болгай.
6 Ядыы кижиниң күзел-бодалын чүү деп-даа бодавас-тыр силер,
а ооң хоргадалы – Дээрги-Чаяакчы!

7 Сион дагдан Израильдиң камгалалы чедип келзин!
Дээрги-Чаяакчы Бодунуң чонунга эки чолду эгидерге ^{▼▼ Азы: «Дээрги-Чаяакчы Бодунуң чонун туттуруушкундан үндүрүп кээрге».},
Иаков өөрүп-байырлаар, Израиль өөрүп-хөглээр.