Psa 131
a131:0 Ыд. ыр. 119:1
 
b131:3-5 1 Чыл. 22:7; Аж.-ч. 7:46
e131:7 Ыд. ыр. 98:5
f131:8 Ыд. ыр. 77:61; 2 Чыл. 6:41
g131:9 Иов 29:14
h131:10 2 Чыл. 6:42
i131:11 Ыд. ыр. 88:34-35; 109:4
j131:11 2 Хаан. 7:12
k131:12 3 Хаан. 8:25
l131:13 Хост. 19:18; Ыд. ыр. 67:17; 77:68
m131:15 Ыд. ыр. 147:3
n131:15 Руф 1:6
o131:17 2 Хаан. 21:17; 4 Хаан. 8:20; Ыд. ыр. 17:29

‏ Psalms 131

Көдүрлүүшкүн ыры a.

1Давидти база ооң хамык човалаңын
бодап кел, Дээрги-Чаяакчы.
 2Ол Дээрги-Чаяакчыга даңгыраглап,
Израильдиң күштүг Бурганынга мынчаар аазап туржук:
 3– 4– 5«Дээрги-Чаяакчыга турар чер –
Израильдиң күштүг Бурганынга чурттаар өргээ тып бербээн шаамда b,
бодумнуң аал-оранымче кирбес мен, орун-дөжээмге чытпас мен;
карактарым шийип, удумзуравас мен,
карактарым хавыын хаап, удувас мен».

6Бис ыдыктыг аптара дугайында Эфрата деп черге дыңнаан бис,
ону Иарим шөлдеринден ап алган бис ▼
▼131:6 Эфрата – Вифлеем хоорайның бурунгу ады. Иарим шөлдери – Кириат-Иарим хоорайның өске ады (1 Хаан. 6:21—7:1; 17:12 көр).
.
 7Бурганның чурттап турар өргээзинче бараалы,
Ооң буттар салыр черинге ▼
▼131:7 Буттарын салыр чер – Бурганның өргээзи азы ыдыктыг аптара (1 Чыл. 28:2 көр).
мөгейээли e.

8Дээрги-Чаяакчы, туруп келгеш, амыр-дыжың черинче чедип кел –
Сен Бодуң, күчү-күжүңнү демдеглээн ыдыктыг аптара база f.
 9Сээң бараалгакчыларың чөптүг чорукту хеп дег кедип алзын g,
Сеңээ бердинген улус өөрүп-байырлазын.

10Бодуңнуң чалчаң Давидти бода,
Бодуңнуң шилип чагганың хаандан хая көрүнме h.
 11Дээрги-Чаяакчы Давидке бүзүрелдии-биле
даңгыраглап турган болгай i,
Ол мынча деп аазаан сөзүнден ойталавас:
«Сээң үре-салгалыңны дүжүлгеңге олуртур мен j.
 12Сээң салгакчыларың
Мээң оларга өөредип каарым чагыг-керээм биле
дүрүм-хоойлумну сагыыр болза,
оларның салгакчылары база кезээ мөңгеде дүжүлгеңни ээлээр k».

13Дээрги-Чаяакчы Сион дагны шилип алгаш,
ону Бодунуң чурттаар чери кылып алыксай берген l:
 14«Бо дээрге кезээ мөңгеде Мээң амыр-дыжым чери-дир,
маңаа чурттаар мен, бо чер Меңээ тааржыр-дыр.
 15Сионну элбек аъш-чем курлавыры-биле хандырар мен m,
ооң ядыы улузун тоттур чемгерер мен n;
 16мында турар бараалгакчыларымга
камгалалды хеп дег кедирер мен,
мында чурттап турар, Меңээ бердинген улус өөрүп-байырлаар.
 17Давидке Сионга күчү-күштү өстүрер мен;
Бодумнуң шилип чаап алганым хаанга өшпес чырыкты белеткеп каар мен o.
 18Ооң дайзыннарын бак ат-биле шывар мен,
а ооң кеткен оваадайы чайынналдыр чырыыр».
Copyright information for TyvTUV