Psalms 140
Мизмор-ыр. Давидтии.
1Дээрги-Чаяакчы, Сени кыйгырып тур мен:дүрген чедип кел, Сени кый дээн үнүмче кулааңны ээктир.
2Мээң мөргүлүмнү, Сээң мурнуңга
айдызаар өргүл дег, хүлээп ал a,
холумну өрү сунганым – кежээки өргүл дег болзун b.
3Дээрги-Чаяакчы, аксымга таңныылдан тургузуп,
аксы-дылымның эжиин c кадартып каг;
4мени бак сөстер эдеринче,
бузут үүлгедикчилери-биле кады
кем-буруулуг херектер кылырынче ээлдирбейн көр,
оларның дойларынга киришпээйн.
5Ооң орнунга чөптүг-шынныг кижи
мени сопсун – энерел болур;
чемелезин – бажымга хора чедирбес
эки олива үзү дег болур d.
А мен бузуттуг улустуң үүлгедиглеринге удур
үргүлчү мөргүп чоруур мен.
6Бузуттугларның баштыңчыларын хаядан дүжүр октаптар e,
бузуттуг улус ынчан мээң сөстеримни дыңнап,
таарымчалыг сөстер дээрзин билип каар.
7«Черни чарып, үүрмектеп турары дег, бистиң сөөктеривисти
өлүглер оранының аксынче киир f
тарадыр чажып турар» – дээрлер.
8А мээң карактарым
Сенче углай көрүп турар g, Дээрги-Чаяакчы,
Сенден хоргадал алдым, амы-тынымны үспейн көр!
9Меңээ салган дузактан,
бузут үүлгедир улустуң какпаларындан мени чайладып көр h.
10Бузуттуглар шупту боттарының четкилеринге ораашсын i,
а мен кыдыы-биле эрте берейн.
Copyright information for
TyvTUV