c144:6 Ыд. ыр. 77:4
h144:15 Ыд. ыр. 103:27
i144:16 Ыд. ыр. 103:14, 28
j144:18 Ы. х. к. 4:7
k144:19 У. ч. 10:24
Psalms 144
Макталдың ыры. Давидтии.
א (алеф) 1Бурганым болгаш Хааным, Сени кымдан арттыр мактаар мен,Сээң адыңны кезээ мөңгеде алгап-йөрээр мен.
ב (бет) 2Хүннүң-не Сени алгап-йөрээр мен,
кезээ мөңгеде Сээң адыңны алгап-мактаар мен.
ג (гимел) 3Дээрги-Чаяакчы өндүр улуг, алдар-макталга дыка төлептиг a.
Ооң өндүр бедиин билип аары болдунмас b.
ד (далет) 4Салгалдан салгал дамчый улус Сээң ажыл-херектериңни алгап-мактаар
база Сээң күчү-күжүңнү медээлээр.
ה (хе) 5Олар Сээң өндүр бедик ат-алдарыңны медээлээр,
мен база Сээң кайгамчык ажыл-херектериңни угаап бодаар мен.
ו (вав) 6Улус Сээң сүртенчиг ажыл-херектериңниң
күчү-күжүн чугаалажы бээр,
мен база Сээң өндүр бедииңни чарлап чугаалаар мен c.
ז (зайин) 7Улус Сээң буянныыңның элбээн үргүлчү алдаржыдып чугаалай бээр,
Сээң чөптүүңнү алгап ырлай бээр.
ח (хет) 8Дээрги-Чаяакчы килеңнээчел эвес, кээргээчел,
ээ көрнүүчел болгаш элбек энерелдиг d.
ט (тет) 9Дээрги-Чаяакчы бүгү улуска буянныг,
Ооң чаяаганы бүгү чүүлдерге ээ-хайыралы илереп кээр.
י (йод) 10Дээрги-Чаяакчы, чаяалгаң шуптузу Сени алдаржытсын,
Сеңээ бердинген улус Сени алгап-йөрээзин,
כ (каф) 11Сээң Чагыргаңның алдарын суртаалдазын,
Сээң күчү-күжүңнү дамчыдып чугаалазын.
ל (ламед) 12Кижи төрелгетен олардан Сээң күчү-күжүң дугайында
база Сээң Чагыргаңның алдарлыг
өндүр бедииниң дугайында билип алзын.
מ (мем) 13Сээң Чагыргаң кезээ мөңгеде турар,
кижи төрелгетенниң бүгү салгалдарын хааннаар сен e.
נ (нун) Дээрги-Чаяакчының чугаалааны бүгү сөстерге бүзүреп боор,
Ол Бодунуң чаяап кааны бүгү чүүлдеринге энерелдиг ▼
▼144:13 Сөөлгү домак өске бурунгу сөзүглелде таварышпайн турар.
.ס (самех) 14Кээп ужуп чыдар бүгү улуска Дээрги-Чаяакчы чөленгииш болур,
бүшкүйтүр бастырган бүгү улусту дорттай хөндүрер g.
ע (айин) 15Бүгү улустуң карактары Сенче ынаныштыг көөр,
Сен оларга аъш-чемни чогуур өйүнде бээр сен h:
פ (пе) 16холуңну чада сунгаш, бүгү амылыгларның күзээн чүвезин
хандырып, оларны тоттурар сен i.
צ (цаде) 17Дээрги-Чаяакчы Бодунуң бүгү оруктарынга чөптүг,
Бодунуң бүгү ажыл-херектеринге энерелдиг.
ק (коф) 18Дээрги-Чаяакчы Ону кый деп мөргүүр бүгү улуска –
шынныы-биле Ону кый деп мөргүүрлерге – чоок j.
ר (реш) 19Оон коргар улустуң күзээн чүүлүн Ол күүседип бээр k,
оларның дуза дилээн кыйгызын дыңнап кааш, камгалаар.
ש (шин) 20Дээрги-Чаяакчы Аңаа ынак бүгү улусту
карактап-кадагалаар, а бузуттуг шупту улусту узуткап каар.
ת (тав) 21Мээң аксы-сөзүм Дээрги-Чаяакчыны мактазын,
бүгү амылыглар Ооң ыдыктыг адын кезээ мөңгеде алгап-йөрээзин.
Copyright information for
TyvTUV