Psa 145 | TyvTUV | STEP | Аллилуйя! Сеткилим Дээрги-Чаяакчыны мактазын-на!

a145:1 Ыд. ыр. 102:1; 103:1

b145:2 Ыд. ыр. 103:33

c145:3 Ыд. ыр. 117:8; Иер. 17:5

d145:4 Ыд. ыр. 103:29; Иса. 2:22

e145:7 Ыд. ыр. 102:6; 106:9

f145:7 Иса. 61:1

g145:8 Мф. 9:28-30

h145:8 Ыд. ыр. 144:14; Лк. 13:11-13

i145:9 Хост. 22:21; Ы. х. к. 10:18

j145:10 Хост. 15:18; Ыд. ыр. 9:35

‏ Psalms 145

1 Аллилуйя! Сеткилим Дээрги-Чаяакчыны мактазын-на! ^a
2 Дириг чорааш, Дээрги-Чаяакчыны алгап-мактаайн;
чурттап чорааш, Бурганымны алгап ырлаайн ^b.

3 Эрге-дужаалдыг улуска идегевеңер –
камгалалыңар кижилерден кээр деп ынанмаңар ^c.
4 Кижи хөөкүй амызы үстүп, кара черже кире бээр,
боттандырар дээн бодалдары ол-ла дораан чиде бээр ^d.

5 Израильдиң Бурганының дузазын
көрүп турар кижи амыр-чыргалдыг!
Дээрги-Чаяакчыга –
Бурганынга идегээр кижи амыр-чыргалдыг!
6 Ол кижиниң Бурганы дээр, чер болгаш далайны
оларда бар бүгү чүүл-биле кады чаяаган;
ооң Бурганы кезээ мөңгеде шынчы,
7 базындырган улуска болчур, аштаан улуска аъш-чемни бээр ^e.

Дээрги-Чаяакчы туттурганнарны хостаар ^f,
8 Дээрги-Чаяакчы согурларның караан ажыдар ^g,
Дээрги-Чаяакчы бүшкүктерни дорттай хөндүрер ^h.
Дээрги-Чаяакчы чөптүг-шынныг улуска ынак.
9 Дээрги-Чаяакчы өскээртен келген улусту кадагалаар,
өскүс-чавысты, дулгуяк кадайны деткиир ⁱ,
а бузуттуг улусту оруундан астырар.
10 Дээрги-Чаяакчы кезээ мөңгеде хааннаар! ^j
Сион, сээң Бурганың салгалдан салгал дамчып хааннаар!
Аллилуйя!