a146:1 Ыд. ыр. 91:2
b146:2 Ыд. ыр. 50:20; 68:36
c146:2 Ы. х. к. 30:3; Иер. 32:37; Иез. 34:13
d146:3 Ы. х. к. 32:39
e146:4 Иса. 40:26
f146:5 Иса. 40:28
g146:7 1 Чыл. 15:16
h146:8 Ы. х. к. 11:14; Иов 5:10
i146:9 Иов 38:41
j146:10 Ыд. ыр. 32:17
k146:11 Ыд. ыр. 32:18

‏ Psalms 146

1Аллилуйя! Бистиң Бурганывысты алгап ырлаары ачылыг-дыр,
Ону алгап-мактаары эки болгаш тааланчыг-дыр! a

2Дээрги-Чаяакчы Иерусалимни катап тудуп турар b,
Ол тудуп аппарган израиль чонну чыып эккээр c.
 3Ол сеткил-хөңнү карарган улусту сегидип,
оларның балыгларын шарып берип турар d.
 4Ол сылдыстарның санын билип,
оларның шуптузун аттары-биле адап турар e.
 5Дээргивис өндүр улуг, кедергей күчү-күштүг,
Ооң угааны хемчээл-кызыгаар билбес f.
 6Ол базындырган улусту өрү көдүрүп,
бузуттуг улусту черге чедир куду базып турар.

7Дээрги-Чаяакчыга өөрүп четтирип ырлаңар,
Бурганывыс мурнунга чадаганнап ырлап бериңер g.
 8Ол дээрни булут-шывыг-биле дуглап, черже чаъсты чагдырып h,
дагларны оът-сиген-биле шып турар;
 9мал-маганга база кыйгы салып алгырган кускун төлдеринге
аъш-чемни берип турар i.

10Дээрги-Чаяакчы аъттың күш-шыдалын херекке албас j;
кижиниң буттарының дүргени Аңаа хамаан чок;
 11а Оон коргар, Ооң энерелинге идегээр улус
Ооң сеткилинге кирер k , ▼
▼146:11 Еврей сөзүглелде 146 болгаш 147 ырлар чаңгыс ырны тургузуп турар.
.
Copyright information for TyvTUV