Psa 149 | TyvTUV | STEP | Аллилуйя! Дээрги-Чаяакчыга чаа ырдан ырлап бериңер , Аңаа бердинген улустуң чыыжынга Ону алгап ырлаңар.

‏ Psalms 149

1 Аллилуйя! Дээрги-Чаяакчыга чаа ырдан ырлап бериңер ^a,
Аңаа бердинген улустуң чыыжынга ^b Ону алгап ырлаңар.
2 Израиль чон бодунуң Чаяакчызы дээш өөрүп-хөглезин,
Сионнуң улузу боттарының Хааны дээш өөрүп-байырлазын.
3 Ооң адын самнавышаан алгап-мактазын,
тимпан ^{▼▼149:3 Тимпан – дүңгүрге дөмейлешкек хөгжүм херексели.} биле чадаганга үдеттирип, алгап ырлазын.
4 Дээрги-Чаяакчының сеткили Бодунуң чону дээш ханган болгай,
Ол томаараан улусту, тиилелге хайырлап, каастаар.
5 Бурганга бердинген улус алдаржып, өөрүп-байырлазын,
орун-дөжээнге-даа чыткаш, өөрүп ырлазын ^d.
6 Оларның аксы-сөзү Бурганны алгап-йөрээзин;
а холдарынга аажок чидиг хылыш туттунзун –
7 олар өске чоннардан өжээн негезин, өске аймактарны кезетсин;
8 оларның хааннарын хүлүп-бектезин,
нояннарын демирлеп-кинчилезин –
9 бижиттинген шииткелди оларга онааштырзын ^e.
Ынчаар кылыр болза, Аңаа бердинген улус алдаржыыр.
Аллилуйя!