b18:5 Рим. 10:18
e18:8 Ы. х. к. 4:7
f18:8 Ыд. ыр. 22:3
g18:8 Ыд. ыр. 118:130
i18:9 Ыд. ыр. 12:4
j18:10 Ыд. ыр. 118:142, 151, 160
l18:11 У. ч. 24:13
m18:14 Сан. 15:30
o18:15 Ыд. ыр. 17:3
Psalms 18
1Хөгжүм башкарыкчызынга. Мизмор-ыр. Давидтии.2Дээрлер Бурганның алдарын медээлеп тур,
бопурук кудай-дээр Ооң холдарының ажыл-херектерин тоожуп тур a.
3Хүн дараазында хүнге сөстү дамчыдар,
дүн дараазында дүнге билигни ажыдар.
4Оларның үнү дыңналбас, сөзү, чугаазы чок-даа болза,
5үн-чугаазы бүгү чер-делегейге дыңналып эртер,
а сөстери өртемчейниң кыдыгларынга чедер b.
Бурган дээрлерде хүннүң өргээзин тургузуп алган.
6А хүн, күдээ дег,
куда соонда хонган өрээлинден үнүп кээр c,
эртер оруун төндүр маңнап бар чыда d, мөге-шыырак кижи дег өөрүүр.
7Ол дээрниң бир кыдыындан үнүп келгеш,
өске кыдыынга чедир көжүп хүннээр,
ооң изиинден чүү-даа чүве чаштынып шыдавас.
8Дээрги-Чаяакчының дүрүм-хоойлузу болбаазыраңгай e,
сеткил-сагышты тынгарар f;
Ооң чугаалаан сөстери шынныг, кенен улусту угаан киирер g.
9Дээрги-Чаяакчының айтыышкыннары чөптүг, чүректи өөртүр h;
Ооң чагыы чырыткылыг, карактарны чырыдар i.
10Дээрги-Чаяакчыдан коргар чорук –
арыг база кезээ мөңгеде артар.
Дээрги-Чаяакчының шиитпирлери –
алыс шынныг, шуптузу чөптүг j;
11олар алдындан – аажок хөй арыг алдындан күзенчиг k,
ары өөнден алган ары чигиринден амданныг l.
12Сээң чалчаң ол бүгүден өөредигни алыр,
оларны сагыыры – өндүр улуг шаңналды эккээр.
13Частырыгларын эскерип шыдаар кижи бар бе?
Бодумнуң ожаап билбээним бачыттарымдан мени арыгла.
14Сагыштыы-биле үүлгеткен бачыттардан база
Бодуңнуң чалчаңны чайладып көр m –
олар мени чагырбазын n. Мен ынчан актыг апарып,
аажок улуг кемниг херек дээш буруудавас мен.
15Дээрги-Чаяакчы – чалым-хаям сен o, Камгалакчым сен!
Мээң аксымдан үнген сөстер биле чүрээмниң бодалдары
Сеңээ таарымчалыг болзун.
Copyright information for
TyvTUV