Psa 23 | TyvTUV | STEP | Давидтии. Мизмор-ыр. Чер-делегей болгаш ону долган бүгү чүве, өртемчей болгаш ында чурттаан бүгү амытаннар Дээрги-Чаяакчыга хамааржыр ;

a23:1 Хост. 9:29; Иов 41:3; Ыд. ыр. 49:12; 88:11

b23:2 1 Хаан. 2:8; Ыд. ыр. 101:26; 103:5; У. ч. 8:29

c23:3 Ыд. ыр. 14:1-5; Иса. 33:14-16

d23:4 Ыд. ыр. 50:12; Мф. 5:8

g23:7 Ыд. ыр. 117:19-20; Иса. 26:2

h23:8 Хост. 15:3

i23:10 Мал. 1:14

‏ Psalms 23

Давидтии. Мизмор-ыр.

1 Чер-делегей болгаш ону долган бүгү чүве,
өртемчей болгаш ында чурттаан бүгү амытаннар
Дээрги-Чаяакчыга хамааржыр ^a;
2 Ол чер-делегейниң үндезиннерин далай, сугларга быжыглап каан ^b.

3 Дээрги-Чаяакчының даанче кым үнүп болурул,
Ооң ыдыктыг черинге кым туруп болурул? ^c
4 Арыг холдарлыг, актыг чүректиг ^d, хей черге даңгырак бербээн ^{▼▼23:4 Өске бурунгу сөзүглелде «Хей черге Мээң адым-биле даңгыраглаваан» деп бижээн.},
меге аазаашкын кылбаан кижи ол-дур.
5 Шак ол кижи Дээрги-Чаяакчының ачы-буянын алыр,
бодунуң Камгалакчызы Бургандан чөптүг шаңналды алыр.
6 Дээрги-Чаяакчыже чүткээн, Израильдиң Бурганы Сени ^{▼▼23:6 Өске бурунгу сөзүглелде «Бурган Сени» деп сөстер чок.}
эдериксээн улус ындыг боор-дур. Сэла

7 Хаалгалар, бажыңар көдүрүңер,
үе-дүптеги эжиктер, ажыттынып көдүрлүңер ^g –
алдарлыг Хаан кирип келзин!
8 Ол алдарлыг Хаан кымыл? –
Күчү-күштүг, мөге-шыырак Дээрги-Чаяакчы ол-дур,
чаа-дайынга күжүн көргүзер Дээрги-Чаяакчы ол-дур ^h.
9 Хаалгалар, бажыңар көдүрүңер,
үе-дүптеги эжиктер, ажыттынып көдүрлүңер –
алдарлыг Хаан кирип келзин!
10 Шак ол алдарлыг Хаан кымыл? ⁱ
Аг-шериглиг Дээрги-Чаяакчы – алдарлыг Хаан ол-дур! Сэла