a25:1 Ыд. ыр. 7:9
c25:3 Ыд. ыр. 24:5
d25:5 Ыд. ыр. 1:1; 138:21
f25:7 Ыд. ыр. 9:2
g25:9 Ыд. ыр. 27:3
h25:10 Хост. 23:8
Psalms 25
Давидтии.
1Дээрги-Чаяакчы, чөптүг шиитпириң үндүрүп көр –кем-буруу чок чурттап чордум a,
Сеңээ идегээш, тендиш дивес мен.
2Мени шылгап көр, Дээрги-Чаяакчы, мени шенеп,
ишти-хөңнүм биле чүрээмни арыглап көр b.
3Сээң энерелиң дугайында үргүлчү бодап чор мен,
Сээң алыс шыныңны эдерип чор мен c.
4Мегелеп чугаалаар улус-биле кады олурбадым,
ийи арынныг улус-биле кады чорбас мен;
5кара сагыштыг улустуң бөлүглежилгезинге хөңнүм чок,
бузуттуглар аразынче кирбес мен d.
6Кем-буруу чок болгаш, холдарым чуп e,
Сеңээ өргүл салыр бедигээшти дескинер мен, Дээрги-Чаяакчы –
7Сени алгап-мактаан үнүм дыңналып,
Сээң хамык ажыл-херектериңни медээлээйн f.
8Дээрги-Чаяакчы, Сээң өргээңге –
Сээң чурттап турар өндүр-чаагай оран-саваңга ынак мен.
9Мээң амы-тынымны бачыттыг улус-биле кады,
мээң амыдыралымны өлүрүкчүлер-биле кады узуткава g;
10оларның холдары бузутка борашкан,
оларның холдарын хээли долган h.
11А мен кем-буруу чок чурттап чор мен;
мени камгалап, ээ көрнүп көр.
12Мээң будум дорт орукта турар,
Дээрги-Чаяакчының улузунуң чыылган черинге
Ону алгап-йөрээр мен.
Copyright information for
TyvTUV