Psa 3 | TyvTUV | STEP | Мизмор-ыр. Давидтии. Давидтиң бодунуң оглу Авессаломдан дезип бар чыткан үезинге хамааржыр .

a 2 Хаан. 15:14-17

b 2 Хаан. 15:12

cЫд. ыр. 70:11

d Э. д. 15:1

k Иов 29:17; Ыд. ыр. 57:7

lЫд. ыр. 36:39; Иса. 43:11; Иона 2:10

‏ Psalms 3

1 Мизмор-ыр. Давидтии. Давидтиң бодунуң оглу Авессаломдан дезип бар чыткан үезинге хамааржыр ^a.
2 Дээрги-Чаяакчы, дайзыннарымның көвүдээнин! ^b
Менче халдап турарларның хөйүн!
3 Хөй-ле улус мээң салым-чолум дугайында:
«Аңаа Бургандан камгалал келбес ^c!» – дижип тур. Сэла

4 А Сен, Дээрги-Чаяакчы, дозуг-камгалалым сен ^d,
алдарым сен, бажымны көдүрер сен ^e.
5 Дээрги-Чаяакчыны кыйгырып тур мен –
Бодунуң ыдык даанда ^f Ол мени дыңнап турар ^g. Сэла

6 Дээрги-Чаяакчы мени деткип турар,
ынчангаш сагыш амыр чыдып аар мен ^h, удуп-удуп, туруп кээр мен.
7 Бүгү чүктерден менче халдап,
бүзээлээн дүк-түмен дайзыннардан кортпас-даа мен ⁱ.
8 Дээрги-Чаяакчы, дүрген келем, Бурганым, мени камгала!
Шупту дайзыннарымның чаактарынче дажып ^j,
бузуттугларның азыг-дижин турулдур шаап тур сен ^k,
9 Камгалал Дээрги-Чаяакчыдан кээр ^l,
Сээң чонуң ачы-буяныңны четтирер. Сэла