‏ Psalms 34

Давидтии.

1Дээрги-Чаяакчы,
меңээ удурланган кижилерге удурланып ^a,
меңээ удур тулушкан улус-биле чаалаш;
2дайынчы дозуг-камгалалың ап алгаш, меңээ дузалап, туруш;
3хылыжың хындан уштуп, чыдаң аннып,
мени сүрген улуска удур турувут,
меңээ: «Камгалакчың-дыр мен!» – деп чугаала.
4Мээң амы-тынымны үзүксээн улус
ыядып човазын, адын баксыратсын ^b,
меңээ бак чүве бодап алган улус
дедирленип дессин, бак атка кирзин ^c;
5олар хатка доюлган довурак-доозун дег болзун ^d,
Дээрги-Чаяакчының төлээзи оларны сывырыпсын;
6оларның оруу караңгы, тайгыр болзун ^e,
Дээрги-Чаяакчының төлээзи оларны истеп-сүрзүн.

7Олар чылдагаан чок черге меңээ четки салды,
буруу чок черге меңээ оңгар казып алды ^f.
8Манавааны өлүм оларны таварзын ^g,
меңээ чажыра салып каан какпазы частып,
аңаа кактыргаш, өлүмүн тыпсыннар.

9А мээң сеткилим Дээрги-Чаяакчы дээш өөрүүр,
Оон кээр камгалал дээш хөглээр ^h.
10Мээң ишти-хөңнүм:
«Дээрги-Чаяакчы, Сен ышкаш кым барыл? ⁱ
Кошкак кижини күштүг кижиден,
ядыы-түреңгини – үптекчизинден
камгалап турар сен!» – деп чугаалаар ^j.

11Кара сагыштыг херечилер меңээ удурланып тур:
билбес чүвемни айтырып, мени байысаар-дыр,
12буяным дээш бузут-биле харыылап ^k,
сеткилимни өскүссүредип тур.
13А мен, олар аарып турда, качыгдал хевин кедип,
мага-бодумну шеглээшкин-биле ^l харыксыраттым;
олар дээш мөргүлүм бодумга ачылыг болзун ▼

▼34:13 Азы: «Олар дээш мээң мөргүлүм ажык чок болзун».

.
14Мен оларга бодумнуң эш-өөрүмге
азы ха-дуңмамга дег хамаарылга көргүзүп:
авазының ажыын ажаан кижи дег муңгарап,
бажым халайтыпкан чоруп турдум.
15А кажан мен илдигип кээп дүжеримге,
олар аажок өөрээн – бужар хейлер меңээ удур чыглып турду,
мен билбээнимде, мени бак сөглеп, соксаал чокка халдады;
16каржызы-биле мени кочулап,
диштерин кыжырадып ⁿ, кыжанып шаг болду.

17Дээрги-Чаяакчы, ол бүгүже
чежеге дээр анаа көрүп кээр сен? ^o
Оларның бузуттуг үүлгедиглеринден амы-тынымны камгала,
ол араатаннардан дың чаңгыс тынымны камгала ^p.
18Мен улуг чыышка Сеңээ өөрүп четтирер мен,
эңмежок чон аразынга Сени алгап-мактаар мен ^q.

19Мээң-биле хей черге өжээннежип турар,
чылдагаан чок черге мени көрбес ^r,
карак басчып, дошкуураан улус,
мени тиилээш, өөрүп-байырлавазын ^s.
20Оларның чугаазында эп-найырал сөзү дыңналбас,
олар чер-делегейде тайбың улуска удур
кара бодалдарлыг болгай;
21менче аксын калбаңнадып: «Таптыын, таптыын!
Караавыс-биле көрдүвүс!» – дижип турлар ^t.

22Дээрги-Чаяакчы, ол бүгүнү Сен көрдүң,
ыыт чок эрттирбе, Дээргим, ырап чорба, мени кагба! ^u
23Оттуп кел ^v, мээң чаргымга
шын шиитпир үндүрер дээш туруп кел, Дээрги Бурган!
24Дээрги-Чаяакчы, меңээ шиитпириңни
чөптүүң ёзугаар үндүрүп көр ^w,
Бурганым, дайзыннарым мени кочулап, өөрүвезин;
25боттарының чүректеринге: «Таптыын, ол боор! ^x
Сеткиливис ханып тур!» – дишпезин.
«Бис ону сыырыптывыс!» – дишпезин ^y.

26Мээң айыыл-халавым дээш өөрүп турар шупту улустуң
ады баксырап, ыядып човазын;
«Сенден артык бис» – дишкен шупту улус
бак атка кирип, арны кыссын.
27Мээң агартыышкынымны күзээн улус өөрүп-байырлазын,
олар үргүлчү: «Бодунуң чалчазынга
чаагай чорук күзээн Дээрги-Чаяакчы өндүр улуг!» – деп чугаалазын.
28Мээң аксы-сөзүм база Сээң чөптүүңнү суртаалдаар,
Сени хүннү бадыр алгап-мактаар! ^z