Psalms 38
1Хөгжүм башкарыкчызынга. Идифунга a. Мизмор-ыр. Давидтии.2«Оруктарымга оваарымчалыг болуйн:
аксы-дылым-биле бачыт үүлгетпээйн b,
бузуттуг улус чанымга турда,
дылым тыртып ап чорууйн» – деп чугааландым.
3Эки чүүл дугайында безин ыыттавастай бердим,
ындыг турбуже, аарышкым дендей берди.
4Иштимде сеткил-чүрээм кыптыкты, угаан-бодалымда от өөскүдү.
Чугаа-сөзүм ам-на үнүп келди c:
5Дээрги-Чаяакчы, төнчүм кээрин айтып берем,
өлүр өйүм, өйлеп-хемчээн назынымны билип алыйн –
амыдырап артар үем кайы хирел? d
6Бо-дур, меңээ сөөм хире чурттаар өйнү хемчээп бердиң,
Сээң мурнуңга назы-харым чүү-даа эвес-тир e.
Шынап-ла, чурттап чоруур кандыг-даа кижи – хей-бус-тур! f Сэла
7Шынап-ла, кижи амытанның
көжүп чорууру хөлеге дег, хөлзеп чорууру хей-бус дег;
эртине-байлакты чыып алыр, а кым ону олчалап аарын эки билбес g.
8А ам кымга ынаныр мен, Дээргим?
Идегелим – чүгле Сенде! h
9Шупту кем-буруумдан мени адыр,
сээдең кижиге, базындырзын дээш, хүлээдип бербе.
10Үнүм үнместеп, аксымны-даа ажытпайн чоруур-дур мен.
Ол бүгүнү Сен ынчаар кылып кагдың.
11Шаажылаан согугларың менден чайлат i,
күштүг холуң мени чидир согар четти.
12Сен кем-буруулуг кижини сойгалап, кезедир сен –
ооң таалал алыр чүүлү, үзүтке чирткен дег, тоглай бээр.
Кандыг-даа кижи – чүгле хей-бус-тур! Сэла
13Дээрги-Чаяакчы, мөргүлүмнү дыңна,
дуза дилээн алгымче кичээнгейден сал,
караам чажын көргеш j, ыыттавайн барба –
бүгү ада-өгбем дег,
Сээң чериңге түр када турумчуп алган көшкүн кижи мен k.
14Килеңиң менден чайладып көр l –
өске оранче чоруп,
чок апаарым бетинде, сеткилим өөрүзүн m.
Copyright information for
TyvTUV