Psalms 4
1Хөгжүм башкарыкчызынга a. Хылдыг хөгжүм үдээр. Мизмор-ыр. Давидтии.2Мээң шынныымны көргүзүп турар Бурган ▼
▼ Азы: «Мээң чөптүг-шынныг Бурганым».
,кыйгырарымга, мени дыңна;
кызагдадып турумда, Сен мени адырып каар сен c;
менче ээ көрнүп, мөргүлүм дыңна даан.
3Кижи амытан! Кажанга дээр мээң ат-алдарымны баксырадыр силер?
Хоозун чугаага ынак бооп, мегеже чүткүүр-дүр силер. Сэла
4Дээрги-Чаяакчы Аңаа бердинген кижини
аңгылап алганын билип алыңар d;
мен Дээрги-Чаяакчыны кыйгырарымга, Ол дыңнап турар.
5Сүртеп сирилеңер, бачыт үүлгетпеңер ▼
▼ Өске бурунгу сөзүглелде «Килеңнээш-даа, бачыт үүлгетпеңер» деп бижээн (Эф. 4:26 көр).
:орун-дөжээңерге чыткаш,
сагыжыңар сайгара боданып, оожургап алыңар. Сэла
6Дээрги-Чаяакчыга шын өргүлдерден салыңар f, Аңаа идегеңер.
7«Кым биске ачы-буян көргүзерил?
Дээрги-Чаяакчы, чырыткылыг арныңны g
бисче угландырып көр!» – деп турар улус-ла хөй.
8А Сен мээң чүрээмни
ындыг улустуң аъш-чем, арага-дары көвүдээн дээш өөрүшкүзүнден
артык улуг өөрүшкү-биле бүргедиң.
9Тайбың удуп чыдып алгаш, амыр дораан удуп каар мен h;
Дээрги-Чаяакчы, айыыл чок амыдыраар арганы
чүгле Сен меңээ бээр-дир сен.
Copyright information for
TyvTUV