Psa 41 | TyvTUV | STEP | Хөгжүм башкарыкчызынга. Маскил-ыр. Корахтың оолдарыныы .

‏ Psalms 41

1 Хөгжүм башкарыкчызынга. Маскил-ыр. Корахтың оолдарыныы ^a.
2 Иви аңның агым сугну күзээри дег,
сеткил-хөңнүм Сени күзеп тур, Бурганым ^b.
3 Дириг Бурганче сеткил-хөңнүм чүткүп тур.
Бурганымның мурнун орта кажан чедип, көстүр ирги мен?!

4 Хүннүң-не улус: «Бурганың кайыл?» – дижип турда ^c,
дүне-хүндүс караам чажы аъш-чемим болуп турган ^d.
5 Бурганның өргээзинче өөрүшкүлүг йөрээл салып
шуужуп, байырлаан хөй чонну баштап чордум чоп ^e.
Ам ол бүгүнү сагынгаш, сеткил-чүрээм саргып чор.

6 Сеткил-хөңнүм чүге ундарап турары ол?
Чүге дүүреп-хөлзээри ол? Бурганга идегээйн,
Камгалакчы Бурганымны ам-даа мактап чоруур дээн мен ^f.

7 – 8 Сеткил-хөңнүм ундарап, Сени сактып ор мен.
Иордан черден, Эрмон сыннардан ^g, Мицар даандан
дүп чок суглар удур-дедир кыйгыржыр:
шуралгактар кооладыр дагжаар.
Сүртенчиг чалгыгларың дөгерези мени хөме таварыыр ^h.
9 Дээрги-Чаяакчы хүндүс меңээ энерел көргүзер,
дүне мен Аңаа аян тудуп, ырлап бээр мен ⁱ –
тынгарыкчы Бурганымга мөргүүрүм ол.
10 Чалым-хаям болур Бурганымга ^j:
«Мени чүге уттуң? – дээр мен. – Дайзыннарга базындырып,
хомудалдан човууртап чоруур ужурум чүл? ^k»
11 «Бурганың кайыл?» – деп, дайзыннарым менден хүннүң-не
айтырып, кочулаарга, сөөктерим углуп, сыйылган дег.

12 Сеткил-хөңнүм чүге ундарап турары ол?
Чүге дүүреп-хөлзээри ол?
Бурганга идегээйн, Камгалакчы Бурганымны
ам-даа мактап чоруур дээн мен.