Psa 42 | TyvTUV | STEP | Бурганым, меңээ чөптүг шиитпириң үндүрүп көр , Сеңээ шынчы эвес чон-биле чаргымга мээң таламда бол, нүгүлдүг, бак кижиден адырып көр .

c42:2 Ыд. ыр. 43:10

‏ Psalms 42

1 Бурганым, меңээ чөптүг шиитпириң үндүрүп көр ^a, Сеңээ шынчы эвес чон-биле чаргымга
мээң таламда бол, нүгүлдүг, бак кижиден адырып көр ^{▼▼42:1 Өске бурунгу сөзүглелде бо ыр 41 дугаар ырның уланчызы болур.}.
2 Күш-шыдалым Сенде болгай, Бурганым.
Чүге менден ойталадың? ^c Дайзыннарга базындырып,
хомудалдан човууртап чоруур ужурум чүл? ^d

3 Бодуңнуң чырыың биле алыс шының чорудуп бер:
олар меңээ орук айтып, Сээң ыдык дааңдыва ^e,
Сээң чурттап турар черлериңче чедирзиннер.
4 Бурганга өргүл салыр бедигээшче,
өөрүшкү-хөгнү меңээ берип чоруур Бурганче чеде берейн;
чадаганга Сени алгап-мактаайн,
о Бурган, мээң Бурганым!

5 Сеткил-хөңнүм чүге ундарап турары ол?
Чүге дүүреп-хөлзээри ол?
Бурганга идегээйн, Камгалакчы Бурганымны
ам-даа мактап чоруур дээн мен ^f.