Psalms 44
1Хөгжүм башкарыкчызынга. «Лилия чечээ» деп аялга үдээр a. Корахтың оолдарыныы. Маскил-ыр. Ынакшыл ырызы.2Чүрээмейден ачылыг сөс куттулуп тур:
хаанга тураскааткан чогаалымны чугаалаар мен,
дыл-домаам – мергежилдиг бижээчиниң демир-үжүү дег.
3Кижи амытанда эң чаражы сен,
чугаа-сөзүң кайгамчык каас, чечен,
ынчангаш Бурган сеңээ ачы-буянны кезээ мөңгеде берген.
4Мөге-шыырак хаан, хылыжыңны белиңге астып ал b –
ат-алдарың биле өндүр бедииңни көргүс.
5Өндүр бедииңни көргүзүп,
алыс шын, биче сеткил болгаш чөптүг чорукту камгалап,
чуузага дүрген халдып олур –
сээң холуң кайгамчык херектерни бүдүрзүн.
6Хаан, сээң согуннарың баштары чидиг –
дайзыннарыңның чүректеринче кадалы бээр –
өске чоннар сээң буттарың адаанче кээп дүжер.
7Бурган сени дүжүлгеге кезээ мөңгеде олуртуп каан ▼
▼44:7 Еврей сөзүглелде бо сөстерниң утказы эки билдинмес. Болгу дег өске утказы мындыг: «О Бурган, Сээң дүжүлгең кезээ мөңгеде турар».
,сээң чагыргаңның мергези – чөптүг чоруктуң демдээ-дир d.
8Сен чөптүг чорукка ынак, а бузутту көөр хөңнүң чок сен,
ынчангаш Бурган – сээң Бурганың
эш-өөрүң аразындан сени шилип ап,
өөрүшкү-биле чаап кагды.
9Сээң хептериң мирра, алоэ, кассия деп
чаагай чыттыг чуктар-биле айдызаттынган e;
чаан сөөгү-биле каастаан ордуларга хөгжүм ойнап, сени хөгледип турар.
10Даңгыналар – сээң хүндүлүг аалчыларың,
хевин Офирден эккелген алдын-биле f каастап каан кадын
сээң оң талаңда турар.
11Мени дыңна, кызым, бээр көрнүп кел, кулааң менче ээктир:
бодуңнуң чонуңну, ачаңның өг-бүлезин уттувут.
12Хаан сээң чараш-каазыңга хандыкшып, күзээр;
ол – сээң дээргиң-дир, ынчангаш аңаа мөгей.
13Тирниң чону, ооң эң бай улузу белээн сунуп чедип кээр:
ээ көрнүүшкүнүңнү күзей бээр.
14Даңгына душтуктуң бүгү чараш-каазы
орду иштинче кире берген,
ооң хевин алдын удазын-биле аргып, даараан.
15Угулзалап каастаан хевин кедиргеш, ону хаанга чедире бээр g,
ооң соондан эштери кыстарны база эккээр.
16Оларны өөрүшкү-маңнайлыг байдалга эккээрге,
хаанның ордузунче кире бээрлер.
17Хаан, ада-өгбеңниң орнунга дүжүлгеге оолдарың олуруп аар,
оларны бүгү чер-делегейге
чагырыкчылар кылдыр олуртуп каар сен.
18Сээң адыңны улуска салгалдан салгал дамчып
тураскаалдыг кылдыр кылып каар мен,
ынчангаш сени бүгү чоннар кажан шагда,
кезээ мөңгеде мактаар.
Copyright information for
TyvTUV