Psa 45 | TyvTUV | STEP | Хөгжүм башкарыкчызынга. Корахтың оолдарыныы. Аламот деп аян-биле үдээр ыр.

‏ Psalms 45

1 Хөгжүм башкарыкчызынга. Корахтың оолдарыныы. Аламот деп аян-биле ^a үдээр ыр.
2 Бурган – бистиң хоргадалывыс ^b болгаш күчү-күжүвүс,
айыыл-халаптар үезинде албан кээр дузавыс ^c.
3 Ынчангаш бис, чер-даа шимчээр болза
азы даглар-даа далайларның ханызынче
дүжүп бадар болза, кортпас бис.
4 Далайлар-даа шимээргеп, чалгыыр болза ^d;
даглар-даа, суглар көдүрлүп турда, сирилээр болза,
кортпас бис! Сэла

5 Хемниң агымнары ^e Бурганның хоорайын –
Дээди Өрүкүнүң ыдыктыг оран-савазын хөгледип тур.
6 Бурган Бодунуң хоорайының иштинде турар ^f:
хоорай ам тендиш дивес, Бурган аңаа даңгаар эртен дузалаар.
7 Чоннар коргуп шимээргеп тур ^g, күрүнелер тендиңейнип тур;
Бурган алгырарга, чер кыры эстип каар ^h.
8 Аг-шериглиг Дээрги-Чаяакчы бистиң-биле кады-дыр,
Израильдиң Бурганы – бистиң шивээвис-тир. Сэла

9 Дээрги-Чаяакчының ажыл-херектерин көрүңерем ⁱ –
чер-делегейге кайы хире кайгамчык чүүлдерни кылган-дыр ^{▼▼45:9 Азы: «Чер-делегейни кайы хире хоозурадып каапкан-дыр».}.
10 Чер-делегейниң бүгү кыдыгларынга
чаа-дайыннарны Ол соксадып ^k: ча биле чыданы сый тыртып ^l,
дайынчы тергелерни от-биле өрттедип тур.
11 «Оожургап, соксаңар, Мени Бурган деп билип алыңар,
Мен чоннар аразынга, чер-делегей кырынга
кымдан арттыр мактадыр мен».
12 Аг-шериглиг Дээрги-Чаяакчы бистиң-биле кады-дыр,
Израильдиң Бурганы – бистиң шивээвис-тир. Сэла