Psalms 46
1Хөгжүм башкарыкчызынга. Корахтың оолдарыныы. Мизмор-ыр.2Бүгү чоннар, адыш часкап көрүңер-ле,
өөрүшкүлүг өткүт үн-биле Бурганны алгап ырлаңар-ла! a
3Дээди Өрүкү Дээрги-Чаяакчы сүрээденчиг b,
бүгү чер-делегейни чагырган
өндүр улуг Хаан – Ол болгай c.
4Ол өске аймактар болгаш чоннарны биске чагыртып,
буттарывыс адаанга салып кагды d.
5Ол бистиң ээлээривис хувааглыг черни –
Бодунуң ынак Израилиниң чоргаараар черин шилип берди. Сэла
6Бодунуң чону алгап ырлап турда, Бурган бедидир көдүрүлдү;
эдиски эдип турда, Дээрги-Чаяакчы бедидир көдүрүлдү.
7Бурганны мактап ырлаңар;
бистиң Хаанывысты мактап ырлаңар, ырлап мактаңар!
8Бурган бүгү чер-делегейниң Хааны болгай e,
Аңаа чечен ырдан ырлаңар!
9Бурган бүгү чоннарны чагырып тур,
Ол Бодунуң ыдыктыг дүжүлгезинге барып саадапты.
10Чоннарның баштыңнары
Авраамның Бурганының чону-биле кады чыглып келди,
чер-делегейге бүгү камгалал – Бургандан кээр f,
Ол бүгүдеден бедидир көдүрткен-дир.
Copyright information for
TyvTUV