Psa 49 | TyvTUV | STEP | Мизмор-ыр. Асафтыы . Дээрги-Чаяакчы – бурганнарның Бурганы чугаалап тур , чер-делегейниң чурттакчыларын хүн үнер чүктен хүн ажар чүкке чедир кыйгырып тур .

i49:6 Ыд. ыр. 57:12

j49:7 Ыд. ыр. 80:9

k49:8 1 Хаан. 15:22; Ыд. ыр. 39:7

l49:10 Иса. 40:16

m49:12 Хост. 9:29; Иов 41:3; Ыд. ыр. 23:1; Аж.-ч. 17:25

n49:14 Ыд. ыр. 106:22; Евр. 13:15

o49:14 Сан. 30:3; Эккл. 5:3; Иона 2:10

p49:15 Ыд. ыр. 80:8

q49:19 Ыд. ыр. 51:4

r49:21 Эккл. 8:11; Иса. 57:11

s49:22 Ыд. ыр. 9:18

‏ Psalms 49

Мизмор-ыр. Асафтыы ^a.

1 Дээрги-Чаяакчы – бурганнарның Бурганы ^b чугаалап тур ^{▼▼49:1 Азы: «Бурган – Дээрги-Бурган-Чаяакчы чугаалап тур».},
чер-делегейниң чурттакчыларын хүн үнер чүктен
хүн ажар чүкке чедир кыйгырып тур ^d.
2 Тергиин чараш-каас Сион дагда Бурган чырып турар ^e.
3 Бурганывыс чедип кээр, Ол ыыт чок болбас,
Ооң мурнунда – оя чиир от, Ону долгандыр – күштүг шуурган! ^f
4 Ол Бодунуң чонун шиидип тура, өрүтен дээрни база черни
херечилер боор кылдыр кыйгырып турар ^g:
5 «Өргүл салып тура, Мээң-биле керээ чарган улузумну чыып бериңер».
6 Дээрлер Ооң чөптүүн медээлээр ^h,
Бурган – шииткекчи ол болгай ⁱ. Сэла

7 «Мээң чонум, Мени дыңна, сөс алыр деп тур мен;
Израиль, сеңээ удур херечилээр деп тур мен ^j.
Бурган-дыр мен, Сээң Бурганың-дыр мен!
8 Чемелелим чылдагааны – өргүлдериң эвес ^k,
бүрүн өрттеткен өргүлдериң үргүлчү Мээң мурнумда чыдар.
9 Сээң аалыңдан буга албас мен,
кажааларыңдан хуналар албас мен;
10 арга-арыгда бүгү аң-мең,
муң-муң тейлерде мал-маган база Мээңии болгай ^l,
11 дагларда хамык куштарны,
хову-шөлдерде шупту дириг амытаннарны
билип, чагырар мен.
12 Аштай-даа берген болзумза, сеңээ чугаалааш чоор мен,
өртемчей-даа, ону ээлеп долган бүгү чүве-даа
Мээңии болгай ^m.
13 Бугалар эъдин чиир ийик мен бе?
Хуналар ханын ижер ийик мен бе?
14 Бурганга өргүл кылдыр мактал-хүндүден эккел ⁿ,
Дээди Өрүкүнүң мурнунга даңгырактарың күүсет ^o.
15 Айыыл-халавың хүнү кээрге, Мени кый де –
Мен сени камгалаар мен ^p, а сен Мени алдаржыдар сен».

16 А бузуттуг-бак кижиге Бурган мынча деп турар:
«Мээң дүрүм-хоойлумну чүге үргүлчү чугаалаар сен,
Мээң чагыг-керээмни чүге аксыңдан дүжүрбес сен?
17 А бодуң Мээң өөредиимге хөңнүң чок-тур,
Мээң сөстеримни херекчок дээш октапкан-дыр сен.
18 Оор кижи көргеш, ооң-биле чоокшулажы бээр-дир сен,
самыыраан улус-биле бир аай хуу-салымныг-дыр сен.
19 Улусту бак сөглээр дээш, аксыңны сула салыптар-дыр сен,
аксы-дылың кара сагыш үүлгедир-дир ^q.
20 Ха-дуңмаңны үргүлчү нүгүлдээр-дир сен,
аваңның оглунга удур хоп дажыыр-дыр сен.
21 Сен ол бүгүнү кылып турдуң, а Мен ыыттавадым ^r,
сен ынчан Мени бодуңга дөмейлей бодапкан сен.
Мен ам сени сойгалаар мен,
бурууңну карактарыңга көргүзер мен.
22 Бурганны уттуп аар улус ^s, ол бүгүнү билип алыңар,
ынчанмас болзуңарза, үзе-чаза соп кааптар мен –
ынчан кым-даа силерни Менден камгалап шыдавас.
23 Өргүл кылдыр Меңээ мактал эккеп турар кижи
Менден коргуп турары ол;
дорт орук-биле бар чыдар кижиге
Бургандан кээр камгалалды көргүзер мен».

‏ Psalms 49

Мизмор-ыр. Асафтыы a.

Мизмор-ыр. Асафтыы ^a.