Psalms 5
1Хөгжүм башкарыкчызынга. Үрер хөгжүм үдээр. Мизмор-ыр. Давидтии.2Дээрги-Чаяакчы, мээң сөстеримни дыңна,
бодалдарымны билип ап көр.
3Алгы-кышкымны тооп дыңна, Хааным база Бурганым! a
Сеңээ мөргүп турарым бо.
4Дээрги-Чаяакчы, эртен эрте үнүмнү дыңна b –
даң хаяазында Сеңээ кээп, манагзынып туруп аар мен.
5Бузутка хөңнүң чок Бурган болгай сен;
бак кижи Сээң-биле чоок аралажып шыдаар эвес.
6Турамык улус Сенче удур көрүп шыдавас,
бүгү бачыт үүлгедикчилерин көөр хөңнүң чок c.
7Мегелеп чугаалаарлар Сеңээ узуткаттырар,
өлүрүкчүлерден, кара сагыштыг улустан d
Дээрги-Чаяакчының хөңнү калыр.
8А мен Сээң өндүр улуг энерелиң ачызында
Сээң ордуңче кирип кээр мен,
Сенден коргуп, ыдыктыг өргээңге мөгеер мен e.
9Дээрги-Чаяакчы, дайзындан камгалап,
чөптүүң-биле Бодуң мээң оруумну башта,
Бодуңнуң айыткан орууңну мээң мурнумга дорттап бер.
10Дайзыннарымның чугаа-сөзүнде шынныг чүве чок-тур,
оларның ишти-хөңнү – тамы-дыр, өгү – ажык чевег-дир f,
аксы-дылы-биле авыяастаар хейлер-дир g.
11Бурганым, олар кем-буруузун чүктээр кылып каг.
Боттарының бодалдарындан буурап калзыннар,
эмгежок кем-буруузу дээш, оларны хүлээп көрбе –
Сеңээ удур үймээн үндүрген улус – олар болгай.
12А Сенден хоргадал алыр бүгү улус өөрүп-хөглээр,
кезээ мөңгеде байырлаар, Сен оларга болчур сен.
Сээң адыңга ынак улус Сеңээ чоргаарланыр.
13Дээрги-Чаяакчы, чөптүг-шынныг кижиге
ачы-буянны хайырлаар-дыр сен h,
дозуг-камгалал-биле дег, ээ көрнүүшкүнүң-биле бүргээр-дир сен i.
Copyright information for
TyvTUV