Psalms 50
1Хөгжүм башкарыкчызынга. Мизмор-ыр. Давидтии.2Давид Вирсавия-биле холбажыпкан соонда, Нафан медээчиниң Давидке кээп чораан үезинге хамааржыр a. 3Энерелдииң-биле мени өршээ, Бурганым,
эгээртинмес ээ-хайыраң-биле кемниг херектерим балап каавыт b.
4Кем-буруумдан мени шуут-ла чуп каавыт,
бачыдымдан мени арыгла c.
5Кемниг херектерим миннип тур мен,
бачыттарым үргүлчү-ле бодалымдан үнмейн тур d.
6Сеңээ, чүгле чаңгыс Сеңээ удур бачыт кылдым,
Сээң бузуттуг деп көөр чүвеңни үүлгеттим e.
Буруудадып турган сөстериңни шынныг дээр мен,
шииткелиңни үндүргеш-даа, шынныг боор сен f.
7Боттанып келген үемден бээр бузуттуг мен,
ием мени божуурда-ла, бачыттыг мен g.
8Алыс шын ишти-хөңнүмнү бүргеп аарын күзеп тур сен,
мерген угааныңны сеткилимге ажыдып тур сен.
9Иссоп-биле ▼
▼50:9 Иссоп – иудей арыглаашкын ёзулалдарының үезинде ажыглап турган чадаң үнүш ады (Хост. 12:22; Лев. 14:6. Сан. 19:6 көр).
мени бызай чажам –бачыдымдан арыгланыйн;
мени чуп каг – хардан аккыр болу берейн i.
10Сеңээ чылча бастырган мага-бодум өөрүүр кылдыр,
өөрүшкү-хөг ыыдын дыңнаар аргадан бер.
11Бачыттарымны тооп көрбе,
бузуттарым дөгерезин балап каавыт.
12Бурганым, арыг чүректен чаяап бер j,
ишти-хөңнүмнү туруштуг кылдыр чаартып каг k.
13Мени Бодуңдан ыңайлатпа,
Ыдыктыг Сүлдеңни менден дедир алба.
14Сээң берген камгалалың дээш өөрүшкүмнү эгит,
меңээ арыг чаагай сеткилди хайырла.
15Бачыттыгларны Сээң изиң истээринге өөредир мен –
удурланыкчыларың Сенче эглип кээрлер.
16Өлүрүүшкүн дээш буруудан мени адыр l,
Камгалакчы Бурганым, агартыышкыныңны алгап ырлаар мен.
17Дээрги, аксымны ажыдып бер:
дылым Сени алгап-мактазын.
18Өргүлүм Сеңээ таарымчалыг эвес болгай,
оон башка ону Сеңээ салгай эртик мен –
бүрүн өрттеткен өргүлдү күзевейн тур сен m.
19Бурганга салган өргүлүм –
багын миннип, муңгараан сеткилим n –
Сен-не ону тооп көөр боор сен, Бурганым.
20 Сионче ээ көрнүп, ачы-буяның хайырла,
Дээрги-Чаяакчы, Иерусалимниң ханаларын
база катап тудуп үндүр o.
21Ынчан шынныг, бүрүн өрттеткен өргүлдер p
Сеңээ таарымчалыг апаар;
ынчан Сеңээ өргүл салыр бедигээшче
бугажыктарны улус эккеп салыр.
Copyright information for
TyvTUV