‏ Psalms 51

1Хөгжүм башкарыкчызынга. Маскил-ыр. Давидтии.

2Эдом чурттуг Доик Саулга чедип келгеш: «Давид Ахимелехтиң бажыңында турар» – деп медээлеп чугаалаан таварылгага хамаарылгалыг a. 3Эй, сен, маадыр, бузудуң-биле мактанып чооруң ол?
Бурган энерелин хүннүң-не көргүзер!
4Сээң аксы-дылың меңээ айыыл-халап белеткеп турар-дыр,
сээң кара сагыштыг дылың чидиг хылыш дег-дир b.
5Буянга көөрде, бузутка ынак апарган-дыр сен,
шынын чугаалаарынга көөрде, мегелеп чугаалаарынга
ынак апарган-дыр сен. Сэла
6Сээң нүгүлдүг аас-дылың өлүмнүг сөстерге ынак апарган-дыр.

7Ол дээш Бурган сени кезээ мөңгеде узуткап каар,
сегирип алгаш, оран-саваңдан үндүр октаптар,
дазыл-дөзүңнү дириглер оранындан c тура соп кааптар. Сэла

8Чөптүг-шынныг улус ол бүгүнү көргеш,
Бургандан коргары дам барып d, ол кижини кочулап e:
9«Бурганны бодунуң камгалал-шивээзи
кылып аарын күзевээн, а эңмежок эртине-байлаанга идегээн f,
бак күзээшкини-биле быжыгланган кижи бо-дур» – дээр.

10А мен Бурганның өргээзинде ногаарарган ыяш дег мен g,
Бурганның энерелинге кезээ мөңгеде идегээр мен.
11Мени бодааш, кылган чүүлдериң дээш
Сеңээ кезээ мөңгеде өөрүп четтирер мен,
Сээң адыңга ынанмышаан, Сеңээ бердинген улус мурнунга
ачы-буяныңны медээлээр мен.
Copyright information for TyvTUV