Psalms 55
1Хөгжүм башкарыкчызынга. «Ырак черде ыыт чок көге-буга» деп аялга үдээр. Давидтии. Миктам-ыр. Филистимнерниң Давидти Гефке тудуп алганы үеге хамааржыр a.2Бурганым, менче ээ көрүн!
Кижи амытан багай мени чылча базар дээш
хүннү бадыр халдап, кызагдап тур.
3Дайзыннарым мени чылча базар дээш
хүннү бадыр дилеп тур, Дээди Өрүкү Бурган,
менче халдаан адаанчыларның хөйүн канчаар!
4Корга берген хүнүмде Сеңээ идегээр мен.
5Бурганымның сөзүн алгап-мактаайн,
Аңаа бодум идегээр мен – корткаш чоорул,
кижилер мени канчаптарыл?! b
6Хүннү бадыр дайзыннар мээң сөстеримни хажыдып тур,
олар меңээ удур кара бодалдарлыг боор.
7Олар чыглып, чаштынып, кай баарымны кедеп көрүп,
амы-тыным үзүп каарын күзеп тур! c
8Таанда-ла олар кем-буруузу дээш кеземчеден чайлаар бе?
Килеңней бергеш, чоннарны сотка олурт, Бурганым.
9Улчуп чоруур үемни Сен санап каан сен,
караам чажын дозуп чыып алган сен d –
качыгдалым Сээң номуңда e бижиттинген эвес ийикпе?
10Сени кыйгырарымга, дайзыннарым дезиптер-дир.
Бурган мээң таламда деп оон билип аар-дыр мен.
11Бурганның сөзүн алгап-мактаар мен,
Дээрги-Чаяакчының сөзүн алгап-мактаар мен.
12Бурганга идегээр мен – корткаш чоорул,
кижи амытан мени канчаптарыл?!
13Бурганым,
Сеңээ берген даңгырактарым утпаан мен f,
Сеңээ өөрүп четтирген өргүлдерим салыр мен g.
14Сен мени өлүмден камгалап,
буттарымны илдиктирбээн болгай сен h,
ынчангаш дириглер оранының чырыынга чурттап i,
Бурганга дыңнангыр амыдыраар мен.
Copyright information for
TyvTUV