Psalms 57
1Хөгжүм башкарыкчызынга. «Узуткава» деп аялга үдээр a. Давидтии. Миктам-ыр.2Кижи амытаннар, силерниң сөстериңерде
чөптүг чорук ылап-ла дыңналып турар бе?
Өске улусту тала тыртпайн шиидип турар силер бе? ▼
▼57:2 Еврей сөзүглелде бо шүлүктүң утказы эки билдинмес. Болгу дег өске утказы мындыг: «Шииткекчилер, силер ылап-ла шынын чугаалап турар силер бе? Кижи амытаннар, чөптүү-биле шиидип турар силер бе?»
3Чүрээңерге-даа бузут-бакты шыгжап чоруур силер,
чер кырынга холдарыңарны кемниг үүлгедиглер дола берген.
4Бузуттуг улус төрүттүнгеш-ле, Бургандан ойталаан,
хырын иштинден-не мегечилер бооп, соора барган c.
5– 6Оларның хораны чылан хораны дег d.
Олар – эң уран, илбилиг сөстер-биле
магададыр сымыраачының үнүн e тооп дыңнавас,
кулаан кумнап алган дүлей кобра дег улус-тур.
7Бурганым, оларның аастарында диштерин сый шаавыт f;
Дээрги-Чаяакчы, арзылаңнарның азыгларын тура шаавыт! g
8Олар, агым суг дег, арлып бада берзин,
а Ол согуннары-биле ада бээрге, олар узуткадып алзын.
9Чуура бастырган курт дег, олар кырлып калзын,
херээжен кижиниң дүжүрген уруу дег, хүн чырыы көрбезин h.
10Силерниң сывыңарга теннер үнмээнде-ле,
ол чечектелип турда-ла, шуурган ону,
кадып калган чүвени-даа ышкаш, хадып аппарзын.
11Өжээн негээшкини көргеш, чөптүг-шынныг кижи өөрүүр i:
бодунуң буду-биле бузуттугнуң ханын сүзер j.
12Улус ынчан: «Чөптүг-шынныг кижиниң
алыр шаңналы бар-дыр,
чер кырынга шииткел кылыр Бурган ылап бар-дыр k» – деп чугаалаар.
Copyright information for
TyvTUV