Psalms 59
(Ыд. ыр. 107:7-14)
1Хөгжүм башкарыкчызынга. «Шушан-Эдут» деп аялга үдээр a. Миктам-ыр. Давидтии. Өөредилгеге.2Иоавтың Нахараим биле Цовага чурттап турган арамей чон-биле дайылдашкаш, дедир ээп кел чыда, 12 000 эдом шеригни Дус шынаазынга базып кааны үеге хамааржыр b. 3Бурганывыс! Сен бисти каапкаш бардың,
килеңней бергеш, чылча шааптың –
бисти катап тургузуп калам! c
4Сен чер-делегейни шимчедип, тиглендир буза шааптың;
ооң үрелип, бузулган черлерин экиртип каг,
оон башка ол шимчеп тур.
5Сен Бодуңнуң чонуңну кадыг-дошкун чаңнадың,
биске баш төөредир арага ижирттиң d.
6Дайзынның чазындан дезе берзин дээш,
Сенден коргар улуска демдекти бердиң ▼
▼59:6 Азы: «Сенден коргар улуска, алыс шын дээш көдүрер кылдыр, тукту тутсуп бердиң».
. Сэла7Бодуңнуң ынак улузуңну
күчү-күжүң-биле камгалап, биске харыылап көр.
8Бурган Бодунуң ыдыктыг өргээзинге мынча дээн:
«Сихем хоорайны f өөрүшкүлүг үлеп-хуваар мен,
Сокхот шынааны хемчээп-хуваар мен g:
9Галаад биле Манассияның черлери – Мээңии;
Эфремниң чери – Мээң бажымда куяк бөрт,
Иуданың чери – Мээң даянгыыжым болур;
10а Моавтың чери – Мээң бут чуур таваам болур,
Эдомнуң черин сапыым таптай базар.
Филистим чер, Мээң тиилелгем дээш өөрүп-байырла!»
11Быжыглалдыг хоорайже кым мени киире бээрил?
Эдомче кым мени чедирерил?
12Сен эвес сен бе, бисти каапкан Бурганывыс?
Бистиң аг-шериивис-биле кады үнмезиң ол бе?
13Кызагдаткан биске дузалап көр,
кижи амытандан кээр дуза – хоозун идегел болгай h.
14Бурганның ачызында күжүвүстү көргүзер бис:
дайзыннарывысты Ол таптай базар.
Copyright information for
TyvTUV