Psa 60 | TyvTUV | STEP | Хөгжүм башкарыкчызынга. Хылдыг хөгжүм херексели үдээр. Давидтии.

‏ Psalms 60

1 Хөгжүм башкарыкчызынга. Хылдыг хөгжүм херексели үдээр. Давидтии.
2 Бурганым, алгы-кышкымны дыңна,
мөргүлүмнү кичээнгейге ал.
3 Чүрээм саргып аарыырга,
чер-делегейниң ужу-кыдыындан Сени кый деп тур мен.
Үнүп шыдавазым чалым-хая кырынче мени аппар.
4 Сен – хоргадалым сен,
дайзынга удур быжыглалдыг камгалал-суургам сен ^a.

5 Сээң өргээ-майгыныңга кезээде аалчы боор дээн мен ^b;
Сээң чалгыннарың адаанга ^c чаштыр дээн мен. Сэла
6 Бурганым, мээң даңгыраглаан сөстеримни дыңнадың.
Сээң адыңга сөгүрүүр улустуң өнчүзүнден меңээ база бердиң.

7 Хаанның чурттаар хүннерин немеп бер, ооң назыны узазын ^d.
8 Бурганым, хаан Сээң мурнуңга кезээ мөңгеде турзун.
Ону кадагалаар кылдыр, шынчың биле энерелиңге чагып каг.

9 Ынчангаш Сээң адыңны кезээ мөңгеде алдаржыдып,
даңгыраглаан сөстеримни хүннүң-не күүседир мен ^e.