Psalms 61
1Хөгжүм башкарыкчызынга. Идифунга a. Мизмор-ыр. Давидтии.2Сеткилимни чүгле Бурган оожургадыр,
камгалалым чүгле Оон кээр.
3Чүгле Ол – мээң чалым-хаям, камгалалым, быжыг шивээм b –
кажан-даа тендиш дивес мен c.
4Чежеге дээр силер шупту улусче, өлүрер дээш, халдаар силер?
Бустур четкен хана азы ийлени берген херим дег-дир мен.
5Дайзыннар мени бедик черден дүжүр октаар бодап,
мегезинге сеткили ханып турар –
аксы-сөзү-биле алгап-йөрээр, а ишти-хөңнүнде – каргаар d. Сэла
6Сеткилим оожургалды чүгле Бургандан алзын,
идегелим чүгле Оон кээр.
7Чүгле Ол – быжыг шивээм, камгалалым, чалым-хаям –
черле тендиш дивес мен.
8Алдар-адым-даа, камгалалым-даа Бургандан кээр;
Ол – меңээ күш хайырлаар хая,
Ол – мээң хоргадалым!
9Улус-чон, кандыг-даа үеде Аңаа идегеңер,
сеткил-чүрээңерни Аңаа ажыдып, мөргүңер –
Бурган бистиң хоргадалывыс-тыр. Сэла
10Кижи төрелгетен – чүгле хей-бус-тур e,
бүгү улус – чүгле авыяас-меге-дир;
олар шупту деңзи караан чая баспас,
агаар-хейден чиик болур f.
11Үптээшкинге идегевеңер,
оор-суук кылып, дээрбедээш, идээргевеңер;
байый берзиңерзе, сеткилиңер
байлакшылга алыспас болзун g.
12Бурган меңээ бир чүве чугаалаарга,
оон ийи түңнел үндүрүп алган мен: күчү-күш – Бурганда h,
13энерел – Сенде, Дээрги i;
Сен кижини кылган ажыл-херээ дээш
шаңнаар азы кезедир сен j.
Copyright information for
TyvTUV