Psa 63 | TyvTUV | STEP | Хөгжүм башкарыкчызынга. Мизмор-ыр. Давидтии.

‏ Psalms 63

1 Хөгжүм башкарыкчызынга. Мизмор-ыр. Давидтии.
2 Бурганым, хомудап мөргээн үнүмнү дыңна,
коргунчуг дайзындан амы-тынымны кадагала ^a.
3 Кара сагыштыг улустуң сүлчээзинден,
бузут үүлгедип турар мөөңнешкен улустан мени чажыр ^b.
4 Олар аксы-дылын хылыш ышкаш чидидип,
хоралыг сөстерин – хоранныг согуннарын белеткеп алганнар ^c.
5 Кедеп чыткаш, кем-буруу чок улусче шыгаап ^d,
хенертен ада бээрлер – коргарын-даа билбестер.
6 Бузуттуг сагыжынга боттарын быжыктырып,
какпа-дузаан чажыра салыр дээш сүлчээлежип:
«Бисти кым көөр боор?» – деп турарлар-дыр ^e.
7 Бузут үүлгедирин бодап алганнар,
хандыр бодап алган сагыжын чажырыпканнар –
кижи амытанның ишти-хөңнүнүң кончуун,
чүрээниң дүп чок каразын! ^{▼▼63:7 Еврей сөзүглелде бо шүлүктүң утказы эки билдинмес. Болгу дег өске утказы мындыг: «Буруудаткы дег чылдак дилеп, истелге-хыналданы удаа-дараалаштыр чорудуп, кижи амытанның ишти-хөңнүн коптарып, сеткил-чүрээн хандыр касканнап турарлар-дыр».}

8 Ынчалза-даа Бурган оларны согун-биле узуткап каар ^g:
хеп-хенертен аттырып аарлар.
9 Боттарының-на эткен сөзү боттарының бажын алыр ^h:
олардан ам бүгү улус хая көрнүп, дезе бээр ^{▼▼63:9 Азы: «Оларны кочулаар».}.
10 Бүгү кижи төрелгетен коргуп-сүртеп,
Бурганның ажыл-херээн аразында медээлежир,
Ооң кылган чүүлдерин угаап-бодай бээр.

11 А чөптүг-шынныг улус Дээрги-Чаяакчы дээш
өөрүп-хөглээр, Аңаа хоргадаар ^j;
мөзүзү эки бүгү улус чоргаарланыр.