a64:2 Сан. 30:3; Эккл. 5:3; Иона 2:10
b64:3 Ыд. ыр. 85:9
c64:4 Иса. 6:7
d64:5 Ыд. ыр. 23:4; 26:4
e64:6 Ыд. ыр. 21:28
f64:8 Ыд. ыр. 88:10; 106:29; Иона 1:15; Мф. 8:26
g64:8 Иса. 17:12-13
h64:10 Лев. 26:4; Иов 5:10
i64:10 Ыд. ыр. 45:5
j64:13 Иса. 30:23; Иоил 2:22

‏ Psalms 64

1Хөгжүм башкарыкчызынга. Мизмор-ыр. Давидтии.
 2 Сион дагга Сени алгап ырлаарынга төлептиг сен, Бурганывыс,
Сеңээ берген даңгыракты күүседиил a.
 3 Мөргүлдү дыңнап турар Бурган, бүгү улус Сеңээ чедип кээр b.
 4Кемниг херектеривис биске алдыртпас-тыр;
кем-буруувустан Сен бисти арыглап каар сен c.
 5Сээң шилип, чоокшуладып алган улузуң амыр-чыргалдыг!
Ол улус Сээң өргээң чанынга чурттаар d; бисти Сээң бажыңыңның –
ыдыктыг оран-саваңның ачы-буяны тоттурар.

6Камгалакчы Бурганывыс, сүртенчиг ажыл-херектериң кылып,
Бодуңнуң чөптүүңнү көргүзүп турар сен.
Чер-делегейниң бүгү кыдыгларында,
ырак далайлар ындында чурттаан улустуң идегели сен e.
 7Бодуңнуң күжүң-биле дагларны тургускан сен,
күчү-күшке бүргедип алган сен;
 8далайларның шимээн-даажын, чалгыгларның коолап мөөрээрин f
база чоннарның хөлзээзинин оожургадып турар сен g.
 9Чер-делегейниң кыдыгларында чурттаан улус
Сээң кайгамчык демдектериң көргеш, Сенден коргар.
Хүн үнер база ажар черлерде
чурттаан улус Сени ырлап мактаар.

10Черни бодааш, ооң суксунун хандырып h,
элбээ-биле байыдып турар сен.
Бурган, Сээң хемиң долу суглуг i,
үнүш-дүжүттү өзүп үнер кылдыр кылып турар сен;
 11аңдарган черни суггарып, хөрзүннү чаъс суу-биле чымчактап,
өзүмнерни йөрээп турар сен.
 12Чылды ачы-буяның-биле шаңнап турар сен,
Сээң изээн орууңда эът-чаг элбек,
 13ховуда одар-белчиирде оът-сиген элбек j,
тейлер өөрүшкүге бүргедир;
 14шынааларны сүрүг малдар шыва алыр,
хову-шөлдер тараа-биле шугланыр –
олар шупту өөрүп-байырлап, ырлажып турар.
Copyright information for TyvTUV