Psalms 65
1Хөгжүм башкарыкчызынга. Мизмор-ыр.Бүгү чер-делегей, Дээрги-Чаяакчыны алгап ырла! a
2Ооң адын алдаржыдып ырлаңар, Ону алгап-мактаңар!
3Бурганга мынча деп чугаалаңар:
«Сээң ажыл-херектериңниң сүрээденчиин! b
Күчү-күжүң өндүр улуг боорга,
дайзыннарың Сеңээ чашпаалаар апаар c.
4Бүгү чер-делегей Сеңээ мөгейзин d, Сени алгап ырлазын,
Сээң адыңны алгап ырлазын!» Сэла
5Шупту чедип келиңер, Бурганның ажыл-херектериниң
кижи төрелгетенге сүрээденчиин көрүңер e.
6Дээрги-Чаяакчы далайны кургаг чер кылдыр хуулдурупту –
Ооң улузу хемни кеже кылаштай берди f,
аңаа Ол дээш өөрүп-хөглеп турган бис.
7Ол Бодунуң күчү-күжү-биле кезээ мөңгеде чагырар.
Аңаа удур тура халаан улус көдүрүлбезин дээш,
Ол бүгү чоннарны хайгаарап көрүп турар. Сэла
8Өске чоннар, бистиң Бурганывысты
алгап-йөрээңер, алдар-макталды Аңаа ыыткыр чугаалаңар.
9Ол бистиң амы-тынывысты кадагалаан,
будувусту тендиш диртпээн.
10Бурган, бисти шенеп көрген сен,
мөңгүннү арыглаар дээш эзилдирери дег,
арыглап каан сен g.
11Сен бисти дузакка туттурдуң h,
оорга-мойнувуска аар-берге чүъктү чүктедип кагдың;
12бисти өске улуска бастырттың.
Бис өрт биле үер өттүр эрттивис i,
а оон Сен бисти элбекшилче ▼
▼65:12 Өске бурунгу сөзүглелде «элбекшил» эвес, а «хосталга» деп бижээн.
үндүрүп эккелдиң.13Сээң өргээңче өргүл белээн ап алгаш, кире бээр мен,
Сеңээ даңгырактарымны күүседир мен k.
14Айыыл-халапка алыскан турумда,
ол аазаашкыннар мээң аксымдан үнген,
оларны мээң дылым чугаалаан.
15Семис өргүлдерни Сеңээ эккеп,
кошкарларны өрттедип өргүүр мен,
оларның чыды Сеңээ чеде бээр;
бугалар болгаш хуналарны эккеп өргүүр мен. Сэла
16Бургандан коргар бүгү улус, мени дыңнаңар –
мени бодааш, Ооң чүнү кылганын чугаалап бээр мен l.
17Мен Ону аксы-сөзүм-биле кыйгырып,
аксы-дылым-биле Ону кымдан арттыр мактап турдум.
18Мээң чүрээмде бачыт артып калган болза,
Дээрги-Чаяакчы мени дыңнавас ийик m.
19Ынчалза-даа Бурган мээң мөргүлүмнүң сөстерин
тооп көрүп, мени дыңнап каан.
20Мээң мөргүлүмнү тоовайн барбаан,
Бодунуң энерелин менден чайлатпаан Бурганга алдар!
Copyright information for
TyvTUV