Psa 7 | TyvTUV | STEP | Давидтиң Дээрги-Чаяакчыга ырлаан шиггайон-ыры. Вениаминниң аймаандан үнген Хустуң херээнге хамааржыр.

a Ыд. ыр. 10:1; 63:11

bЫд. ыр. 30:16

c Иов 10:16

dЫд. ыр. 54:21

e 1 Хаан. 24:8; 26:9

g Иса. 33:10

h Ыд. ыр. 25:1; 34:24; 42:1

i Иов 23:10; Ыд. ыр. 10:5

oЫд. ыр. 20:13; 63:8

p Иов 15:35; Иса. 59:4; Иак. 1:15

q Эсф. 7:9; У. ч. 11:5; 26:27; 28:10; Эккл. 10:8; Дан. 6:24

r Ыд. ыр. 9:3

‏ Psalms 7

1 Давидтиң Дээрги-Чаяакчыга ырлаан шиггайон-ыры. Вениаминниң аймаандан үнген Хустуң херээнге хамааржыр.
2 Дээрги-Чаяакчы, Бурганым, Сенден хоргадалды ап чор мен ^a,
мени истеп-сүрген бүгү улустан адырып, камгалап көр ^b,
3 оон башка олар, арзылаң дег ^c, амы-тынымны үзүп каар,
камгалаптар кым-даа чок боорга, үзерлеп кааптар.

4 Дээрги-Чаяакчы, Бурганым, үүлгеткен херээм бар болза,
мээң холдарым кемниг херек кылган болза,
5 мээң-биле эп-найырал сеткип чораан кижиге
бузут-биле харыылаан болзумза ^d,
(а мен чылдагаан чокка кыстыртып келгеним кижини безин ^e
камгалап чораан болгай мен) ^{▼▼ Өске бурунгу сөзүглелде «А мен кыстыртып чоруур кижимче чылдагаан чок халдаан болзумза» деп бижээн.},
6 дайзын мени истеп-сүргеш, чыпшыр четсин,
амы-тынымны черже киир таптай бассын,
ат-алдарымны довуракка борап каапсын. Сэла

7 Дээрги-Чаяакчы, килеңнээштиң, дүрген келем,
дайзыннарымның калчаалыг өжүнге удур туруш,
Сээң айтып-чагааның шииткелди мен дээш көдүрүп көр.
8 Чыылган чоннар Сени хүрээлеп кээр –
оларның кырында бедикче көдүрүл ^g.
9 Дээрги-Чаяакчы аймактарны шиидип турар.
Меңээ шын шииткелден үндүрүп көр,
чөптүүмнү, кем-буруу чогумну көрүп көр, Дээрги-Чаяакчы ^h.
10 Бузуттугларның өжүнүң когу үзүлзүн,
чөптүг-шынныг кижини быжыктыр – чөптүг Бурган болгай сен,
улустуң чүректерин, ишти-хөңнүн шенээр-дир сен ⁱ.
11 Мөзүзү эки улусту камгалаар Бурган –
мээң дозуг-камгалалым-дыр ^j.

12 Бурган – чөптүг шииткекчи,
Ол хүннүң-не бузуттуг улусче күштүү-биле килеңнээр ^k.
13 Кандыг-бир улус бачыттарындан ойталаваза ^{▼▼ Азы: «Бурган Бодунуң бодап алган чүүлүнден ойталавас».},
Бурган хылыжын чидидер ^m, чазын хере тыртып, шыгаап кээр ⁿ;
14 өлүм тарыыр чепсектерин белеткеп,
өрттендир чиир согуннарны кылып аар ^o.
15 Бузуду иштинде боттанган кижи
өш-өжээн-биле иштелип, оп-меге божуп алган ^p.
16 Ол ханы оңгарны каскаш, оозунче боду-ла кээп ушкан ^q;
17 ооң өжү бодунуң бажынче кээп дүжер,
ооң каржы-дошкуну бодунуң тейинче дедир бадып кээр.
18 Чөптүү дээш, Дээрги-Чаяакчыга өөрүп четтирип тур мен,
Дээди Өрүкү Дээрги-Чаяакчының адын алгап ырлап тур мен ^r.