Psalms 74
1Хөгжүм башкарыкчызынга. «Узуткава» деп аялга үдээр a.Мизмор-ыр. Асафтыы. 2Сени алдаржыдып тур бис, Бурганывыс,
алдаржыдып-ла тур бис,
Сээң адың көңгүс чоокта дыңналып тур,
Сээң кайгамчык чүүлдериңни улус медээлеп тур.
3«Доктааткан үемде чөптүг шииткел кылыр мен b.
4Чер болгаш ында амыдыраан бүгү улус сириңейнип тур c:
Мен черни тургузар адагаштарны d быжыг кылып каар мен. Сэла
5Турамык улуска: „Адыыргаваңар“– деп,
бузуттуг улуска: „Күжүңерге менээргенмеңер“– деп чугааладым».
6Күжүңерге аажок менээргенмеңер,
улуг туралап чүве чугаалаваңар –
7кижиге депшилге чөөн чүктен-даа,
барыын чүктен-даа, мурнуу чүктен-даа келбес,
8улусту Бурган шын шиидип турар:
бир кижини куду бадырар, а өске кижини өрү көдүрер e.
9Килеңниң дашказы Дээрги-Чаяакчының холунда –
ынаар куткан эзиртир арага хайнып шуурап тур,
Ол дашказындан улуска кудуп бээр,
чер-делегейниң бүгү бузуттуг улузу
араганы сөөлгү дамдызынга чедир ижер апаар f.
10А мен Израильдиң Бурганын алгап ырлаар мен,
кезээ мөңгеде Ооң дугайында медээлээр мен.
11Бузуттугларның күчү-күжүн буурадыр мен g,
чөптүг-шынныг улустуң күчү-күжү бедидир көдүртүр.
Copyright information for
TyvTUV