Psa 80 | TyvTUV | STEP | Хөгжүм башкарыкчызынга. Гиттит деп хөгжүм херексели үдээр . Асафтыы.

‏ Psalms 80

1 Хөгжүм башкарыкчызынга. Гиттит деп хөгжүм херексели үдээр ^a. Асафтыы.
2 Бистиң күжүвүс болур Бурганга өөрүп ырлаңар,
Израильдиң Бурганын кый деп ырлаңар!
3 Өткүт ырдан бадырыңар, тимпандан ^{▼▼80:3 Тимпан – дүңгүрге дөмейлешкек хөгжүм херексели.} соктаңар,
эткир үннүг чадаган биле чанзыга ойнаңар.
4 Ай чаазында, он бештиң айында,
байырлалывыс хүннеринде эдискиден этсиңер ^c.
5 Иаковтуң Бурганы доктааткан,
Израильге айыткан дүрүм-хоойлу ындыг болгай.
6 Бурган ону Иосифтиң салгалынга,
Египетке удур үнүп тура ^d, бадыткал кылдыр берген.
(Ол черниң дылын дыңнааш-даа, билбес турган бис.) ^e

7 «Мен чоннуң эгиннеринде чүъктү дүжүрдүм,
ооң холдары аар ажылдан ^f хосталы берди.
8 Кыстырып-кыйдыргаш, Мени кый дидиң –
ынчан сени камгалап кагдым ^g;
диңмирээшкин дагжап турар булуттан сеңээ харыыладым,
Мериваның суунуң чанынга сени шенеп турдум ^h. Сэла

9 Мээң чонум, дыңна, Сеңээ удур херечилеп чугаалаар мен ⁱ,
о Израиль, Мени тооп дыңнаарың кай!
10 Сеңээ өске бурган турбазын,
хары бурганга мөгейбес сен ^j.
11 Сени Египеттен үндүрүп эккелген Бурганың – Мен-дир мен,
аксың ажыдывыт – Дээрги-Чаяакчы мен сени тоттуруп каайн.

12 Ынчалзажок Мээң чонум Мээң үнүмнү тооп дыңнавады,
Израиль Меңээ чагыртпады.
13 Ынчангаш Мен оларга хамаарыштыр:
„Чөрүү улус боттары-ла билзин“дээн мен –
бодалдарынга чагыртып чораайлар аан ^k.

14 О, чонум Мени тооп дыңнаан болза,
Израиль Мээң оруумну истээн болза! ^l
15 Мен ынчан ооң дайзыннарын базып,
ооң дарлакчыларынче холумну көдүрер ийик мен.
16 Дээрги-Чаяакчыны көрбес улус Аңаа чашпаалаар апаар –
кезээ мөңгеде ындыг болур.
17 А Израильди Мен эң чаагай далган-тараа-биле чемгерип,
эң амданныг ары-чигири-биле тоттурар ийик мен ^m».