Psa 85
b85:1 Ыд. ыр. 39:18
c85:4 Ыд. ыр. 24:1
e85:7 Ыд. ыр. 76:3
i85:11 Ыд. ыр. 24:4
l85:14 Ыд. ыр. 53:5
m85:15 Хост. 34:6
n85:16 Ыд. ыр. 115:7
o85:17 Башт. 6:17
Psalms 85
Мөргүл. Давидтии a.
1Дээрги-Чаяакчы, кулааң менче ээктирип,харыылап көрем – чөгенчиг күжүр-дүр мен b.
2Мени каракта – Сеңээ бердинген мен,
Бурганым, Бодуңнуң чалчаңны камгала – Сеңээ ынаныр мен.
3Дээрги, менче ээ көрнүп көр –
Сени хүннү бадыр кыйгырып тур мен.
4Бодуңнуң чалчаңның сеткил-хөңнүн өөртүп көр –
Дээрги, сеткилим ханызындан Сеңээ мөргүп тур мен c.
5Дээрги, Сени кыйгырган шупту улуска
ачы-буянныг, ээ-хайыралыг база элбек энерелдиг сен d.
6Мээң мөргүлүмнү дыңна,
тейлээн үнүмче кичээнгейден сал, Дээрги-Чаяакчы.
7Айыыл-халапка алыскан хүнүмде Сени кыйгырдым e –
меңээ харыылаарыңны билир мен.
8Дээрги, бурганнар аразында
Сен дег кым-даа чок f,
Сээңии дег ажыл-херектер база чок.
9Сээң чаяап кааның хамык чоннар
чедип келгеш, мурнуңга мөгеер g, адыңны алдаржыдар, Дээрги.
10Сен – өндүр улуг сен, кайгамчык чүүлдерни кылып турар сен,
дың чаңгыс Бурган сен h.
11Дээрги-Чаяакчы, Сээң орууңну
эдерер кылдыр мени өөредип каг i,
ынчан Сээң шының ёзугаар амыдыраар мен;
бүгү-ле чүрээм-биле Сээң адыңга сөгүрүүйн ▼
▼85:11 Азы: «Сээң адыңга сөгүрүүрүнден мээң чүрээм өөрүп тур».
.12Дээрги Бурган, Сени
бүгү чүлдү-чүрээмден алгап-мактаар мен,
Сээң адыңны кезээ мөңгеде алдаржыдар мен;
13Сээң меңээ хайырлаан энерелиң өндүр улуг болгай:
амы-тынымны өлүглер оранының тамызындан адырган сен k.
14Бурганым, улуургак улус менче халдап келди,
түрлүг улус амы-тынымны үзер деп тур –
Сени тооп көрбес улус ол-дур l.
15А Сен, Дээргим,
килеңнээчел эвес, кээргээчел, ээ көрнүүчел, элбек энерелдиг
база бүзүрелдиг Бурган сен m.
16Көрүжүңнү менче углап, ээ көрнүп көр,
Бодуңнуң чалчаң болур меңээ күжүң хайырла –
чалча херээжениңниң оглу мени камгала n.
17Меңээ бүгү чүве эки боорунуң
бадыткал демдээн көргүс o –
мени көөр хөңнү чок улус ону көрзүн, бак атка кирзин.
Дээрги-Чаяакчы, Сен меңээ дузалап,
аргалалды хайырлаан болгай сен.
Copyright information for
TyvTUV