a87:1 3 Хаан. 4:31; 1 Чыл. 2:6
b87:2 Ыд. ыр. 21:3; Лк. 18:7
c87:4 Ыд. ыр. 15:10
d87:5 Ыд. ыр. 27:1; 142:7; У. ч. 1:12
e87:6 Иса. 26:14
f87:7 Иов 10:21-22; Ыд. ыр. 142:3; Ыы. 3:6
g87:8 Ыд. ыр. 41:7-8
h87:9 Иов 19:13; Ыд. ыр. 30:12
i87:9 Иов 30:10
j87:11 Ыд. ыр. 6:6; Иса. 38:18
k87:13 Иов 10:21-22
l87:13 Эккл. 9:5
m87:14 Ыд. ыр. 5:4
n87:17 Иов 6:4
o87:18 Ыд. ыр. 21:17
p87:19 Иов 19:13-14; Ыд. ыр. 37:12

‏ Psalms 87

1Мизмор-ыр. Корахтың оолдарыныы.

Хөгжүм башкарыкчызынга. Үрер хөгжүмге үдээр, ырлаарынга таарыштырган. Маскил-ыр. Зерах уктуг Еманныы a. 2Дээрги-Чаяакчы – мени камгалап турар Бурган,
Сээң мурнуңда хүндүс-даа, дүне-даа
дуза дилеп кыйгырып тур мен b.
 3Сеңээ мээң мөргүлүм четсин, кыйгымче кулааңны ээктир!

4Айыыл-халап сеткилимниң эриин ажа берди,
амы-тыным өлүглер оранынче кирер деп барды c.
 5Улус менче хөөрже кирип бар чыдар кижиже дег көрүп тур d,
күш-шыдал чок кижи дег болу бердим;
 6мени өлүглер аразынга чорзун дээш салыпкан,
чевегде чыдар өлүртүп каан улус дег мен –
ындыг улусту Сен ам сагынмас-даа болу бердиң e,
оларже холуң сунмас-тыр сен.
 7Сен мени алдыы оранче, дүмбей караңгы черже,
ханы тамыже киириптиң f.
 8Сээң килеңиң мени хөме тавараан,
бүгү чалгыгларың-биле мени бүргей ап g, хинчектеп тур сен. Сэла

9Эш-өөрүмнү менден ырадып кааптың h,
мени оларның бужарзынар кижизи кылып кагдың i,
баш муңгаш байдалга таварышкаш, үнер арга тыппайн тур мен.
 10Качыгдалдан карактарым аарып тур:
хүннүң-не Сени кыйгырып,
холдарымны Сенче сунуп тур мен, Дээрги-Чаяакчы.

11Өлүг улуска кайгамчык чүүл кылып бээр деп сен бе?
Өлүглер туруп келгеш, Сени алдаржыдар деп бе? j Сэла
 12Сээң энерелиңни чевегге,
Сээң шынчыңны өлүм оранынга
чугаалаар кижи турар деп бе?
 13Сээң кайгамчык ажыл-херээңни дүмбей караңгыга k,
Сээң чөптүүңнү уттуушкун оранынга l
билип шыдаар улус турар деп бе?

14Дээрги-Чаяакчы, а мен Сени кыйгырып тур мен,
эртен эрте мээң мөргүлүм Сеңээ дыңналып чеде бээр m.
 15Чүге менден ойталап тур сен,
чүге менден хая көрнүп тур сен, Дээрги-Чаяакчы?
 16Аныяамдан-на түрегдеп, өлүр чазып,
Сээң чорудупкан коргунчуг байдалдарыңны
шыдажып эртип, харыксырап чор мен.
 17Сээң килеңиң мени таварып эрте берген,
Сээң чорудупкан коргунчуг байдалдарың
мени узуткап каапкан n,
 18олар мени хүннү бадыр суг ышкаш хөме ап,
шупту каттыжып алгаш, бүзээлеп турар o.
 19Сен мээң эш-өөрүмнү, ынак улузумну ырадып кааптың p,
мени чоок кижилеримден чарып кагдың ▼
▼87:19 Өске бурунгу сөзүглелде «Мээң чоок кижилерим дүмбей караңгыда турлар» деп бижээн.
.
Copyright information for TyvTUV