Psa 91 | TyvTUV | STEP | Амыр-дыш хүнүнде ырлаар мизмор-ыр.

a91:2 Ыд. ыр. 146:1

b91:6 Ыд. ыр. 110:2; Ажыд. 15:3

c91:9 Ыд. ыр. 92:4

d91:11 Ыд. ыр. 22:5; У. ч. 27:9; Эккл. 9:8

e91:12 Ыд. ыр. 36:34; 59:10; 90:8; У. ч. 29:16

f91:13 Ыд. ыр. 71:7; У. ч. 11:28; Иса. 65:22

g91:13 У. ч. 11:28

h91:14 Ыд. ыр. 134:2

i91:16 Ыд. ыр. 17:2

j91:16 Э. д. 18:25; Иов 34:10

‏ Psalms 91

1 Амыр-дыш хүнүнде ырлаар мизмор-ыр.
2 Дээрги-Чаяакчыны алгап-мактаары ачылыг-дыр ^a;
Дээди Өрүкү, Сээң адыңны алгап ырлаары эки-дир;
3 эртен – Сээң энерелиңни,
кежээ – шынчы чорууңну медээлээри эки-дир;
4 чанзыга, чадаганга үдеткеш, Сеңээ ырлаары эки-дир!

5 Дээрги-Чаяакчы, Сээң ажыл-херээң мени өөртүп тур,
Сээң холуңнуң боттандырган чүүлдери дээш,
өөрүп ырлап тур мен.
6 Сээң ажыл-херээң өндүр улуг-дур, Дээрги-Чаяакчы ^b;
Сээң бодалдарың кайгамчык ханы-дыр!
7 Олар ындыг дээрзин чүгле мелегей кижи билбес,
чүгле бүдүүлүк кижи угаазылап шыдавас.
8 Бузуттуг улус оът-сиген дег өзүп үнүп,
бачыт үүлгедикчилери чечектелип турар-даа болза,
кезээ мөңгеде узуткаттырар.
9 А Сен, Дээрги-Чаяакчы,
кезээ мөңгеде бедидир көдүрткен сен ^c.
10 Дайзыннарың бо-дур, Дээрги-Чаяакчы, олар кырлып тур,
бачыт үүлгедикчилери шупту тарай шаптырып аар.

11 Сен мээң күчү-күжүмнү,
мөге-шыырак шарыныы дег, өстүрүп бердиң,
мени чаа олива үзү-биле хүндүлеп чаап кагдың ^d;
12 дайзыннарым буураашкынын караам-биле көрүп кагдым ^e,
халдап келген өжээтеннерим аштырыышкынын кулаам-биле дыңнап кагдым.

13 Чөптүг-шынныг улус пальма ыяш дег чечектелир ^f,
Ливан сыннарында пөш дег бедип өзер ^g.
14 Оларны Дээрги-Чаяакчының өргээзинде тарып каан,
олар Бурганывыстың бажыңының мурнунга чечектелир ^h.
15 Олар кырый бергеш-даа, чимизин бээр –
быжыг, ногаан артып каар.
16 Ынчангаш мээң чалым-хаям болур ⁱ
Дээрги-Чаяакчы чөптүг дээрзин,
Ында шын эвес чүве чок дээрзин олар медээлээр ^j.